Mipui huapzo damlo enkawlna - Universal Health care kalpui tum

Aizawl | June 5, 2024: Vawiin tlai dar 04:00 khan Mizoram Sawrkarin Mipui huapzo damlo enkawlna - Universal Health care kalpui a tum chungchangah Health Minister Pi Lalrinpuii ho in Sawrkar lam thuneitute leh Mizoram Civil Pensioners Association hruaitute chuan inkawmhona an nei.

He hunah hian Pu Ramchuana, Addl Secretary, Finance Department chuan Civil Pensioners hruaitute nena an lo indawr tawh dante tarlangin, Civil Pensioners lam atangin an association ngaihdan te sawi turin sawm a ni a.

Prof Lianzela, President, Civil Pensioners Association chuan thusawiin, health care zawm duh leh duh lo tana option awm thei se an duhthu te, Medical allowance surrender turah pawh pension amount a zira slab Siam ve nise tih te bakah sawifiah tura duh thu clarification point 9 sawrkara an thlen thu a tarlan bakah, July ni 4 hian executive Committee in inhmukhawm in, association ngaihdan lak anih tur thu a sawi a ni.

He inrawnkhawm hunah hian Pu TBC Lalvenchhunga, Adviser to CM(finance) leh Pu KC Lalmalsawmzauva, Adviser to CM(Handholding) te chuan Health Minister hi an tawiawm a ni.