Veteran Football Champion Lengpui Veteran

GIG Motors Veteran Football Tournament 2024 final chu May ni 9, Ningani hian 1st MAP Ground, Armed Vengah khelh a ni a. Lengpui Veteran chuan 2-1 a Ward IX  hnehin no mawi an chawi.

Lengpui tan Rohmingthanga chuan goal hnih a khung a, Ward IX tan Albert Lalbiakmawia chuan goal khat a khung ve bawk.

1:00PM Ward IX 1-2 Lengpui Vereran

(Albert Lalbiakmawia 33') (Rohmingthanga 21', 45')

Goal lut te hi first half leh second half a lut an ni a, First half-ah goal khat a lut a, goal hmasa ber hi huntawp dawn minute 9 ala awmin Lengpui tan Vanlalpeka ball pek chu Rohmingthanga chuan box-ah la lutin a khung a ni.

Second half-ah goal hnih a lut. Inkhelh tan a ni a, Ward IX chuan inkhel thunun zawkin inkhelh tan a tanga minute 3-ah Albert-a chuan box pawn chiah atangin an siphurh a rul.

Lengpui chuan nawr letin Rohmingthanga bawk chuan an goal hnihna khungin an chakna goal a ni zui a, 2-1 a Lengpui chuan hnehna changin an champion ta a ni.

Lawmman :

Champion : Lengpui Veteran, Rs 1,00,000/- Trophy

Pahnihna : Ward IX, Rs 50,000/- Trophy

Best Player : Rohmingthanga, Lengpui Veteran,Trophy/-

Top Scorer : S Malsawmtluanga, Ward IX, Trophy