I THILPHALNA CHUAN I HLUTNA A TIPUNG

  _Rinna huaisen_

  

-  Rick Warren 

-  May 9, 2024

 

“A sem darh a, pachhiate a pe a; a felna chu kumkhuaa awm tur a ni: a ki chu chawimawinaa chawimawiin a awm ang.” (Sam 112:9)

 

Mi thilphal chuan an hlutna a tipung zel. I thilphal poh leh i hlu zual zel ang.

 

I hlutna chu i thil dawn atangin a ni lo va. I hlutna chu thil i pekchhuah atang hian a ni. i pekchhuah tam poh leh i hlu zual ang - i hlutna chu remchannaah leiin Pathian tan i hmang thei ang.

 

Bible chuan Thufingte 11:24 ah, “Sem darh chu pun lehzualna a ni a, mamawh tawk a liam kawmpui chu tlakranna a ni,” a ti.

 

Bible vekin hetian hian a sawi a, “A sem darh a, pachhiate a pe a; a felna chu kumkhuaa awm tur a ni: a ki chu chawimawinaa chawimawiin a awm ang.” (Sam 112:9).

 

 Kum 50 kaltaa Kay-i nen a kan inneih hlim khan, zaa 10 kan pe a. Kan kum khat inneih tawp lamah khan zaa 11 in kan pun a. Kan inneih kum hnihna tawp lamah chuan zaa 12 in kan pun a. Kan inneih kumthumna tawp lamah chuan zaa 13 in kan pun leh a. Kum 40 chhung khan, harsat deuh kum pawh nise, tlemte talin kumtin kan thilpek kan pun a ni.  

 

Engatinge? Achhan chu kumtin thanzel ka duh vang a ni. Isua anna kawngah than ka duh a ni. Pathia an zel ka duh a. Thianghlim ka duh vang a ni.

 

In phochhuah kan duh avanga ti kan ni lo. Diktak chuan, kum 25 chhung chu mi tumah kan hrilhlo a ni. Kum 20 chhung kha chu sawichhuak miah lovin kan lakluh atanga zaa 91 pein, zaa 9 chu khawsak relnan kan hmang ve a ni.

 

Pathian chu pekah hneh ban theih a nihloh avangin kan ti a ni. Kan thilpek a pun hian kan hlutna a pung zel a. Chu hlutna chu Isua la hreloten an hriat theihnan Pathianin khawvel hmun hrang hrangah a hman phah a ni. Chu ka hlutna Pathianin min pek chu chanchin tha la hrelo ten an hriattheihnan hman zel ka tum thin a ni.

 

A tana thil ropui tak ti turin Pathianin hman che a duh a. Thilphalna kawnga i thanlen chuan, i hlutna pawh a lo pung anga chu chu thiltha tihnan i hmang thung dawn a ni.  

 

Ngaihtuah zui atan

 

* Pathian hmaah chuan engvangin thil lian ber tluk zetin thil te berah pawh rinawm a tul?

 

* Engtin nge Pathian ram (sawma pakhta) i pek? Pathian chuan sawma pakhat bak pe thei turin engtin nge a hruai che? Engtin nge i chhanlet?

 

*  In pawlho, khawtlang leh khawvelah enganga hlutna nge neih i chak? Chu hlutna hmag chuan i rintlak a ni tih engtin nge Pathian hmaah i tarlan ang?

 

*[Lettu: Sangpuia]*