Public Library Day pualin hun hmang

Hnahthial | May 22, 2024: Vawiin hi Public Library Day a ni a, YMA Peniel Br, Hnahthial chuan tukin dar 7:00 khan an Branch YMA Library-ah a lawmna hun hmangin, Peniel Br YMA President Pu V Zairemthanga'n Public Library Day 2024 hi a hawng a ni.

Peniel Br YMA hnuaiah hian Library Sub-committee a ding a, Lehkhabu 890 vel kawlin, kumin hian lehkhabu tam zawk neih a nih theih nan hmalak an tum a. Kumin hian an Vengchhung mipuite tan Lehkhabu chhiar tam a ṭul zia leh pawimawh zia inzirtirna, Awareness neih an tum bawk. Tin, Library tih changtlung nan vengchhung ah donation khawn an tum bawk a ni.

Peniel Br YMA Library hi nikum khan Hnahthial District-a Best Library atan thlan a lo ni tawh a. Nikum vek khan Public Library Day 2023 Mizorama lawm ṭha ber dawttu (2nd Position) a lo dawng tawh bawk.

Public Library Day 2024 pual hian nileng in Library hi hawn tum a ni a, a duh apiang tana tlawh theih leh lehkhabute hawh theih tura ruahman a ni.