Mizoram Premier League (MPL) Under 17 final chu May ni 22, Nilaini khan 1st Bn, MAP Ground, Armed Vengah khelh a ni a, Aizawl FC, Academy chuan penalty shootout-ah 2-1 a Chanmari FC hnehin an champion.
01:00PM Chanmari FC 3️-3️ Aizawl FC, Academy
(Lalrinfela Ralte 22', Imanuel Lalrohlua 90+3', Moses Lallawmkima (OG) 103') (Christopher Zaithantluanga 45', C Lallawmawma 90+6', Lalrempuia (OG) 105')
(Penalty Shootout-ah 2-1 in Aizawl FC, Academy an chak)
POM : Gabriel VL Ruathlua, Aizawl FC
Final inkhelah team pahnih te an inhneh tawk hle. Hun pangngaiah chak zawk awm lo in an inhneh tawk. Hun pek belh a ni a, chak zawk awm lo in 3-3 in an inhneh tawk leh bawk. Penalty shootout a chak zawk zawn a nih hnuah Aizawl FC, Academy, chuan 2-1 in hnehna an chang ta a ni.
First half-ah Chanmari FC tan Lalrinfela chuan goal hmahruai a khung chu huntawp dawn injury time-ah Aizawl FC, Academy tan Zaithantluanga chuan a siphurh a rul.
Second half huntawp dawn added time-ah Chanmari FC tan Imanuel-a chuan an goal hnihna a khung chu Aizawl FC, Academy tan Lallawmawma chuan an siphurh a rul leh nghal zat bawk.
Hun pek belh an ni a, Aizawl FC, Academy defender Moses-a chuan an lam a ti goal hlauh. Chanmari FC chuan 3-2 in hmahruai mahse an hruai reilo kher mai. Chanmari FC defender Lalrempuia chuan an lam ah a ti goal ve bawk. 3-3 in an inhneh tawk a, hun a tawp zui ta a ni.
Penalty shootout-in chak zawk zawn ani zui a, Aizawl FC, Academy chu vannei zawkah tangin 2-1 in hnehna an chang ta a ni.
Mimal Lawmman
Fair Play : Mizoram Police FC
Best Goalkeeper : Gabriel VL Ruathlua (J No 1, Aizawl FC, Academy)
Best Defender : Lalremtluanga (J No 29, Electric Veng FC)
Best Midfielder : Freddy Lalruatfela (J No 45, Aizawl FC, Academy)
Best Forward : Lalrinfela Ralte (J No 22, Chanmari FC)
Goal of the season :
Lalremtluanga (J No 29, Electric Veng FC) Vs Chanmari FC (R7, M28, 13')
Top Scorer : Lalhruaitluanga (J No 21, Electric Veng FC, 9 goals)
Best Player : Lalrinfela Ralte (J No 22, Chanmari FC)
[For Ads - Contact +919402125273 ]
Post a Comment
He post chungchanga i ngaihdan lo sawi ve rawh: