Aizawl | May 25, 2024: Mizoram Snooker & Billiards Association (MSBA) buatsaih Mizoram State 9 Ball Pool Ranking 2024 - 2025 chu zanin khan zawh fel a ni a, Lalrina Renthlei, Tuikhuahtlang a champion.
Mizoram State 9 Ball Pool Ranking 2024 - 2025 final-ah hian Lalrina Renthlei, Tuikhuahtlang leh Lalsangzela,Khatla South te an inhmachhawn a, final match hi ‘Race to 9’ a khelh niin, an inhneh tawk hle. MSBA player tha pahnihin final an khel a, an game a hmuhnawm hle a. Frame an inlak chhawk zak zak hnu-ah Lalrina Renthlei hian 9 - 6 (frame 9 - frame 6) in hnehna a chang ta a ni.
Mizoram State 9 Ball Pool Ranking 2024 - 2025 champion leh runner up lawmman hian Medal, Certificate leh pawisa fai a keng tel a. Semi finalist pahnih K Lallawmkima leh R Lalthazuala te pawh lawmman pawisa fai hlan an ni.
Mizoram State 9 Ball Pool Ranking 2024 - 2025 hi May 20 atang khan MSBA Hall, Hawla Indoor Stadium, Republic Vengthlang-ah khelh a ni a, zanin khan a hmawr bawk a ni. Mizoram Snooker & Billiards Association (MSBA) buatsaih Mizoram State 9 Ball Pool Ranking 2024 - 2025 -ah hian Mizoram hmun hrang hrang atangin player 40 chuang an tel a ni.
Mizoram State 9 Ball Pool Ranking 2024 - 2025 hi Mizoram State Sports Council (MSSC) in an sponsor a ni a, MSBA Hall, Hawla Indoor Stadium, Republic Vengthlang-ah khelh a ni.
 |
| lalrina renthlei-in lawmman a dawng lai |
 |
| lalsangzela'n lawmman a dawng |
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: