Miss Universe Mizoram audition July 4-ah

Aizawl | May 21, 2024: Mizorama a vawi khatna atan Miss Universe India-a Mizoram aiawhtu tur thlanna audition chu July 4, 2024 chawhna dar 10 hian Emerald Hotel, Treasury Square-ah neih a ni dawn.

He audition-ah hian hmeichhia, kum 18 chin chung lam tawh phawt chu an tel thei. Miss Universe thleng pawhin criteria dang engmah awm lovin, san zawng emaw, rih zawng emaw, kum lamah tel thei chin bithliah a awm lo.

Audition form hi CG Entertainment Instagram account-ah link dah a ni a ( Audition Form Link ), May thla chhung form fill up hun hawn a ni.

Miss Universe India organisation aṭangin Judge tur an rawn kal dawn a, Mizoram aiawhtu tura thlan chhuah hi 'Miss Universe Mizoram' title pek a ni ang a, a ṭul zawng zawngah state franchise holder CG Entertainment-te'n an buaipui ang.

Miss Universe inelna-a India aiawh thawntu thar Glamanand Entertainment ten 'Miss Universe India' inelna an buatsaih dawn a. Tunhmaa India aiawh tur thlanna 'Miss Diva' competition nen chuan a format a danglam dawn hle.

Miss Universe India competition-ah hian State tin mai bakah ram pawna Indian community lenna ram hrang hrang atangin inelna hmachhawn tur an fuan khawm dawn a, state tin atangin State Director ruat an ni a. Mizoram atang pawhin CG Entertainment chuan State Director atan Amos MS Dawngzuala a ruat a ni.

Aizawlah ngei he inelna liana tel tur thlanna audition neih a nih dawn avangin CG Entertainment-te chuan a duh apiang tana tel theihna Free Pageant Training an buatsaih mek a. Kar tin nilaini leh inrinni-ah te training neih thin a ni a. Public Speaking, Communication Skills, Soft Glam makeup, Ramp walk leh Manners and etiquette-ahte mithiam sawmin training pek thin a ni a. Hei bakah hian Miss Nunui Rualhleng pawhin India level-a Mizo nula te tana opportunity awm hrang hrangte leh pageantry-a thil pawimawhahte session a hmanpui bawk.

Training hi June ni 5 thleng neih tur a ni a, tel ve duh tan CG Entertainment Instagram account aṭangin a ngaihven theih reng bawk e.

Venue: