Malsawmhlua, s/o Albert Lalnunhlima, P & E Veng, Serchhip, Ralte Villa Badminton Club player, tuna Kotak Pullela Gopichand Badminton Academy, Hyderabad-a awm mek chuan Yonex Sunrise All India Sub-Junior Badminton Tournament, Pedem, Goa-a May ni 10-17, 2024 chhunga neih zawh takah Under-17 Boy's doubles category-ah bronze medal a dawng.
Mama leh a partner Mahendra Kalahasti, Andra Pradesh lam mi te hi Under-17 huanga an vawikhat telna a ni a. Qualifying atanga bul an tan a ngaih phah. Qualifying round-ah hian mi 3 an hneh hnuin main draw an thleng a. Main draw-a an first match-ah seeded no 3 te an tum nghal a, harsatna awm lo in straight set in an chak. Hemi hnu hian pair hnih dang hneh leh in semi final hi an thleng a. Semi final-ah hian seeded no 1, Bjorn Jaison leh Aathish Sreenivas P.V te tangdun chu 21-13, 21-17 in an hneh ta lo a ni. Semi final-a an hneh loh te hi hun danga an lo hneh tawh thin an ni a, hneh leh ngei pawh an in rin viau laiin bronze medal-a an lungawi a ngai ta hrih a ni.
Mama hian National ranking tournament-ah medal 4 a lakna a ni ta a. A hma in gold pakhat leh silver pahnih a lo vawchhuak tawh a ni.
Mizoram Badminton Association chuan Mizoram ti hmingthatu Mama hi a chhuang tak meuh a, a hmalam hun atan duhsakna sang ber a hlan nghal bawk.
Post a Comment
He post chungchanga i ngaihdan lo sawi ve rawh: