Aizawl | May 15, 2024: ZORO bul tumin, FMR ṭhiah tum leh Border fencing hung tum duh loh lantir nan Zokhawtharah an pungkhawm dawn. Hemi ni hian - Zirna in, sawrkar pisa leh sumdawnna hmun khar vek dawn!
ZORO bultumin naktuk chawhma dar 11 hian, India Myanmar inkalpawhna gate bulah Foreign Movement Regime (FMR) ṭhiah tum leh Border Fencing hung tum duh loh lantir nan Zokhawthar-a India leh Myanmar inrina gate bulah an pungkhawm dwan.
He punkhawm chhung hian, Zokhawthar-ah Zirna in zawng zawng, Sawrkar pisa leh sumdawnna hmun te khar a ni vek dawn.
Zing dar 9 aṭangin sawrkar pisa leh zirna in zawng zawng bakah dawr zawng zawng an khar vek dawn a. Hun hman chhung hian, Sumdawnna leh ramri bula insumdawn tawnna zawng zawng an titawp rih vek ang.
Hemi ang chiah hian, tiau ral leh lam khawmawi leh Rihkhawdar leh a chhehvela khua zawng zawng pawh, programe hman chhung hian sumdawnna zawng zawng an chawl vek dawn niin thu dawn a ni.
FMR ṭhiah tum leh Border hung tum dodalna hunah hian Zokhawthar leh a chhehvela cheng mi ṭhahnem tak an tel dawn nia thu dawn a ni.
He punkhawm-ah hian Adviser to CM (Political) Lalmuanpuia Punte, MLA leh Champhai Sourth bialtu MLa Clement Lalhmingthanga te pawh an tel dawn nia hriat a ni a. Vawiin khan Aizawl aṭangin ZORO President R Sangkawia hovin mi ṭhahnem takin Zokhawthar an thleng tawh bawk a ni.
FMR ṭhiah tum leh Border Fencing hung tum duh loh lantirna hi Vaphai-ah pawh neih a ni dawn a. Mipui ṭhahnem tak an pungkhawm rin a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: