Vanga chungchangah Conservation Mizoram-in thuchhuah siam

Aizawl | April 22, 2024: Conservation Mizoram chuan thuchhuah siamin, Kan rama sava zirchianna kalpui mekah Ni 7 April 2024 khan sava vang leh hlu tak mai, Vangá Blyth's Tragopan _Tragopan blythii_ chu Thaltlang khaw ram chhung, Phawngpui National Park nena in ri ah thla lak fuh a ni a; hei hi Mizoramah Vangá ala awm ngei a ni tih kum 10 hnu a chian leh theihna awmchhun a ni, an ti.

"Vangá te hi International Union for Conservation of Nature (IUCN) leh BirdLife International te chuan mang mai hlauhawm hnai tawh 'Vulnerable' category ah an dah a ni." an ti a.

Conservation Mizoram chuan, An chenna ram chereu zel vang te, an sa ei atana pèl ṭhin an nih vang te hian an tlem tial tial niin hriat a ni bawk. Chuvangin mitin ten Vangá mai nilovin kan rama nungchate leh an chenna hmun te humhalh a, vawnhim chungchangah nasa zawka ṭan la turin kan ngen tak meuh a ni, an ti.