ATHER Pro Volleyball League : A hawn nan TNT leh Hunthar

 

Ather Pro Volleyball League hawn nan nikum final-a inkhel Thutak Nunpuitu Team leh Hunthar an inhmachhawn dawn a, hmeichhe lamah Diakkawn leh Serkawn an inkhel hmasa ber ang.

Vawiin ni 20, 2024 (Inrinni) hian Hawla Indoor Stadium Conference Hall, Republic Vengthlangah Central YMA Assistant Secretary Pu Fabian Lalfakawma'n fixture leh handbook a tlangzarh.

Kar leh ni 23, thawhlehni zanah LPS Arena, Falkland-ah khel tanin champion lai TNT leh champion hnem ber Hunthar an intawng nghal dawn a, Pro Volleyball neih tawhah anni team pahnih chiah hi tel kim vek thei an ni.

Nikum final-ah Huntharin a vawi thum nan champion thei turin set hnih set khatin hma hruai hman. TNT-in bei letin 25-17, 20-25, 20-25, 27-25, 15-10-in an chak a, a tum khat nan an champion rualin mipa team zinga Mizo hlanga champion hmasa ber an ni nghal bawk.

TNT hian Mizo hlangin an khel leh dawn a, manager Pu Vanlalmuanpuia chuan : "Damlohnain Vanlaltanchhana leh player dang a tihbuai avangin kan duh angin kar hnih vel bak kim takin kan inbuatsaih hman lo va, a huphurhawm rualin a phurawm hle a ni," a ti.

Inpuahchahna an neih that avangin Hunthar an inringtawk viau thung a, season liam taa uiawm taka an tlawmna chhang let nghal turin hun tha an nei dawn a ni.

Kar leh nilaini zanah hmeichhe league inkhel tan a ni ve thung dawn a, kai thar ve ve Diakkawn leh Serkawnin an la tawn ngai loh inkhel an hmachhawn ve ve ang.

Aizawl pawn team pahnih tan fiahna a ni tel dawn bawk a; chutih rualin Diakkawnin 2019 Pro Volleyball best player Lalmuanpuii an kawl a, Serkawnin 2022-a spiker tha ber Elisian Meda-i hovin an khel ve thung dawn a ni.

Pu Fabian-a chuan fixture leh handbook a tlangzarh hnuah volleyball chu game ropui leh hmuhnawm a ni a, san a pawimawh rualin Mizoten thiamna tha tak an neih chuan sang tak an thleng thei a ni, a ti.

"Hruaituten volleyball hi an chawi nun zel chuan hmabak eng tak a awm a, Mizoramah infiammi leh insawizawi thin mihring kan tam telh telh chuan ram leh hnam humhalh kawnga YMA hma lakna a hlawhtling hle dawn a ni," a ti.

Mizoram volleyball inelna sang berah Mipa team paruk telin, April 25, ningani zanah 2022 champion Durtlang North leh kai thar Hlimen; April 27, inrinni zanah Tuichangral leh 2019 champion Chhinga Veng Spiker inkhelin league round hmasa ber zawh a ni ang.

Hmeichhe lamah team panga awmin, April 26, zirtawpni zanah champion lai Luangmual leh Bungkawn an inkhel ang a, April 29, thawhtanni zanah a vawi khat nan league-ah 2019 champion Durtlang inlan ve thungin Serkawn nen an intawng dawn a ni.

ATHER PRO VOLLEYBALL LEAGUE 2024 FIXTURE

LEAGUE ROUND

April 23, thawhlehni 8:00pm :

THUTAK NUNPUITU TEAM V HUNTHAR (mipa)  

April 24, nilaini 8:00pm :

DIAKKAWN V SERKAWN (hmeichhia)

April 25, ningani 8:00pm :

DURTLANG NORTH V HLIMEN (mipa)  

April 26, zirtawpni 8:00pm :

BUNGKAWN V LUANGMUAL (hmeichhia)

April 27, inrinni 8:00pm :

TUICHANGRAL V CHHINGA VENG SPIKERS (mipa)  

April 29, thawhtanni 8:00pm :

SERKAWN V DURTLANG (hmeichhia)

April 30, thawhlehni 8:00pm :

TUICHANGRAL V THUTAK NUNPUITU TEAM (mipa)  

May 1, nilaini 8:00pm :

LUANGMUAL V DIAKKAWN (hmeichhia)

May 2, ningani 8:00pm :

HUNTHAR V CHHINGA VENG SPIKERS (mipa)  

May 3, zirtawpni 8:00pm :

DIAKKAWN V BUNGKAWN (hmeichhia)

May 4, inrinni 8:00pm :

THUTAK NUNPUITU TEAM V DURTLANG NORTH (mipa)  

May 6, thawhtanni 8:00pm :

LUANGMUAL V DURTLANG (hmeichhia)

May 7, thawhlehni 8:00pm :

HLIMEN V HUNTHAR (mipa)  

May 8, nilaini 8:00pm :

DURTLANG V BUNGKAWN (hmeichhia)

May 9, ningani 8:00pm :

CHHINGA VENG SPIKERS V THUTAK NUNPUITU TEAM (mipa)  

May 10, zirtawpni 8:00pm :

SERKAWN V LUANGMUAL (hmeichhia)

May 11, inrinni 8:00pm :

DURTLANG NORTH V TUICHANGRAL (mipa)  

May 13, thawhtanni 8:00pm :

DIAKKAWN V DURTLANG (hmeichhia)

May 14, thawhlehni 8:00pm :

TUICHANGRAL V HLIMEN (mipa)  

May 15, nilaini 8:00pm :

BUNGKAWN V SERKAWN (hmeichhia)

May 16, ningani 8:00pm :

CHHINGA VENG SPIKERS V DURTLAWNG NORTH (mipa)  

May 17, zirtawpni 8:00pm :

THUTAK NUNPUITU TEAM V HLIMEN (mipa)

May 18, inrinni 8:00pm :

HUNTHAR V TUICHANGRAL (mipa)  

May 20, thawhtanni 8:00pm :

HLIMEN V CHHINGA VENG SPIKERS (mipa)

May 14, thawhlehni 8:00pm :

DURTLANG NORTH V HUNTHAR (mipa)

KNOCKOUT ROUND

SEMIFINAL

May 23, ningani 8:00pm :

LEAGUE NO. 1 V LEAGUE NO. 4 (hmeichhia)  

May 24, zirtawpni 8:00pm :

LEAGUE NO. 2 V LEAGUE NO. 3 (hmeichhia)

May 27, thawhtanni 8:00pm :

LEAGUE NO. 1 V LEAGUE NO. 4 (mipa)

May 28, thawhlehni 8:00pm :

LEAGUE NO. 2 V LEAGUE NO. 3 (mipa)

FINAL

May 30, ningani 8:00pm :

WINNER OF SEMIFINAL 1 V WINNER OF SEMIFINAL 2 (hmeichhia)

May 31, zirtawpni 8:00pm :

WINNER OF SEMIFINAL 1 V WINNER OF SEMIFINAL 2 (mipa)