SIAM I NIHNA CHHAN HRE TURIN I SIAMTU ZAWT RAWH

_Rinna huaisen

-  Rick Warren 

-  April 24, 2024

“Engkim ama siam a ni, ama ta tur bawka siam a ni.” (Kolossa 1:16)

Isua Kristaah i rinna i nghah chuan, Pathianin nangmaha thiltum a neih chu i zir tihna a ni. 

Mi tam zawkin siam an nih chhan an hre lo. An duhzawng emaw an tana tha chu hre berah an inngai thin a. Nimahsela Kristaah i innghah loh chuan, engvanga siam nge i nih tih leh leia i awm chhan pawh hi i hre lo vang. I damchhan i hriat loh chuan, i nun chu ho deuhin i hmang ang. I kual i kual ang a. Thil engmah i thunun thei lo vang a, i hun tawngin a thunun zawk mah ang che.   

Mi tuman chutianga nun chu an duh lo.

I damchhan hre turin kawng pakhat chiah a awm. I siamtu i zawh a ngai a ni.

Mi thenkhatin i damchhan hriat i duh chuan, nangmahah zawng mai rawh an ti a. Chutiang chuan an ti reng a - awmzia a nei si lo va. Nangma siam i nih loh avangin a hrilh thei lo che a ni.  

Siam i nih chhan chu Siamtu chauhvin a hrilh thei ang che. Isua Krista chu nangmah siamtu che a nih avangin i rin hma chu siam i nih chhan pawh i hre ngai lo vang. Isua hnenah i nun i pek hma chu hemi nun baka siam i nihna pawh i hrethiam lo vang.

Bible chuan, “Engkim ama siam a ni, ama ta tur bawka siam a ni,” a ti.  (Kolossa 1:16)

Tunlai hian mi tam tak chu siam an nih chhan leh an nihnaah hian an buai tlat a. “Tunge ka nih ka hre lo, ka nunah hian eng nge ka tih zel dawn ka hre lo,” an ti fo. A chhan chu an zawnna hmun a dik loh vang a ni. Siam an nih chhan chu an eizawnnaah te, an hlawhtlinnaah te, inlaichinnaah te leh an thil neihah te an hmu dawn lo. 

I nihna leh siam i nih chhan chu zawn hmuh theihna kawng khat chiah a awm a, i Siamtu Isua Krista nena inlaichinnaah hian a ni. 

“Ama duh zawng a remruat ang zela thil engkim titu tum anga ruat lawk ni tawhin, amahah bawk chuan a ro tura siam kan ni.” (Ephesi 1:11)

I siamtu hriat tum la. I nunin awmzia a neih theih nan kawng kawhhmuh che a duh a ni.  

Ngaihtuah zui atan

* I nun awmzia hre turin khawiah nge i lo zawn thin? Engnge a rahchhuah ni le?

*  Chhandam i nih khan, engtin nge Pathian i hriat? 

* Eng vangin nge i damchhan chu i hriat a pawimawh em em?

*[Lettu: Sangpuia]*