RINNA TAK TAK CHU A CHAWL LO VA, A CHE RENG ZAWK

_Rinna Huaisen_

-  Rick Warren 

-  April 23, 2024

“Aw mi lawilopa, thiltih tel lova rinna mai chu engmah a ni lo tih i hre duh em le?” (Jakoba 2:20)

Rinna chu rilrua lo ruahmanna mai hi em ni? Thenkhat chuan chutiang chuan an thlir - Pathianin anmahnia a dah chu an nghak ringawt mai zel a, chungte chu: kaisanna, cancer natna, rilru natna, inbumna, malsawmna, hausakna leh hleih neia rorelna. Anni chuan hetiang hian an sawi a, “Pathianin keimaha a hnathawh tur hi ka nghak ngawt mai a, chutiang chuan ka awm.” Chu chu thu atthlak tak a ni. 

Rinnna chu a chawl lo va, a che reng zawk a ni. Inpeknain a zui a. I nundan kha han en teh, engtin nge a rahin a lo zui thin. Rinna tak chu ka nei a, entir theih pawh a ni.

Baptisma i chang tawh a, mipui hmaah leh Pathian hmaah i thu i tiam tawh a ni. Chutiang chu ka zawm alawm i ti maithei e. Nimahsela baptismaah chuan a tawp lo.

Eng nge tih tur la awm? Isua tih dan zui ang che. Rinna chu kan nun dan hian a tichiang ber.

Hetiang hian hrilhfiah suh: Chhandamna chu thiltih vang a ni. I thiltih - i lenvahna, nitina i thiltih hian vanram a thlen dawn lo che. I thiltih avang hian Kristian i ni lo va. Kristian i nihna lantirna zawk a ni.

Rinnaa ke i penna tur thenkhatte chu:

*Khawngaih thilpekah chuan lawm rawh.* Chhandam i nihna chhan chu Pathianin a hmangaih avang che leh vanramah a hnena cheng ve tura a duh avang che a ni. Chu thilpek mak tak chu i lawm danah a lang ang!

*I rinna tilang rawh.* Inneih zungbun hian inneihna a hril ber lo va, hmuh theihin a lantir zawk a ni. Chutiang chiah chuan, baptisma chuan vanramah a hruai lut dawn lo che a, thuawihna lantirna a ni zawk. Engvang nge? Isuan baptisma chang tur leh mi dang pawh baptist turin min ti a ni (Matthaia 28:18-20).

  

*I kianga awmte hnenah i rinna chu puangchhuak rawh.* Pathianin i nuna a thiltihah i lawm a nih chuan, engvangin nge i puanchhuah loh. Kawng hrang hranga puanchhuah dan a awm a. Pathian rawngbawl tur leh mi dang tanpuinaah intatlut rawh. Isua hnenah mi dang hruai la, Isuan a hmangaih angin hmangaih ve rawh. Nang leh mi dangte tan pawh Isua hnen thlena - chatuana lawmnaa luh chu duhthlannaah hian a inghat a ni.   

Ngaihtuah zui atan

* I rinna chu mi dangte hnenah engti kawng zawngin nge i lantir ang? 

*  “Inneih zungbun hian inneihna a hril ber lo va, hmuh theihin a lantir zawk a ni.” Baptisma i la chang lo a nih chuan, eng thilin nge i rinna puanchhuahna chu dal che? 

* I rinna puanchhuah i rilruk khan tute nge i rilruah lang le? Vawiinah hian puangchhuak dawn ta la engtin nge i tih ang?

*[Lettu: Sangpuia]*