PATHIAN HNEN ATA I TLANBO HIAN I CHUNGAH ENG NGE THLENG

_I Nun Thiltum Puanchhuahna_

-  Rick Warren 

-  April 3, 2024

“Jona chu Lalpa hma ata Tarsis-ah tlanbo turin a tho ta a.” (Jona 1:3)

Pathianin kan zavai hian tihtur min pe a - duhthlan tur min pe theuh va, chu chu kan tihhlawhtlin leh hlawhtlin loh ah a innghat tawh a ni.

Pathianin Jona chu tihtur a pe a: Ninevi khawpui chunga rorelna lo thleng tur tlangaupui turin a ni. Nimahsela, “Jona chu Lalpa hma ata Tarsis-ah tlanbo turin a tho ta a.” (Jona 1:3)

Jona chuan thutlukna a siam dikloh avangin a sawhkhawk a tuar a, chutiang chiah chuan Pathianin tihtur a pek che i tlanbosan chuan a sawhkhawk i tuar ve ang. 

Bible-in min hrilh dan chuan Jonan tlanbo tura lawnga a chuan hnu chuan Lalpa chuan thli na tak mai tuifinriatah chuan a tlehtir a, tuifinriatah chuan thlipui nasa tak a tleh a, tichuan, lawng chu a keh dawn ang maiin a awm ta a. (Jona 1:4)

Engvangin nge chutiang chuan Pathianin a tih? A chhan chu Pathianin Jona a hmangaih a, thutlukna dik siamse chu chuan nun awmzia leh hlawhtling a neih tir thei dawn a ni. Pathianin thutlukna dik kan siam theihna turin eptute pawh min siamsak chang a awm thin. 

Jona thuawihlohna chuan lawnga chuang zawng zawngte a tithlabar a. Pathian atanga i tlanbo chuan, mi pawisawi lo thlengin an tuar phah thei. I kawppui, i fate, i tute leh i thiante pawh anni thei. A chang chuan i hmelhriat miahloh pawh anni thei. I thuawihlohna avangin miten an tuar phah thei.

Pathian lak ata i tlanbo chuan, i nun chu a tlahniam zel tih Jonan a tilang a. I thuawihlohna chuan i sum, taksa leh inlaichinna thlengin a tuar phah thei. 

Ninevi chu mel 550 vela hla a ni a, mahse Jona chuan kawng ni lo lam mel 2500 laia hlaah  a tlanbo va. Pathian hnen atangin engti kawng zawng mahin i tlanbo theilo tih hi a ni. Khawi kipah awmin engkim a hria a ni. Nimahsela ani chuan duhthlan tur a pe che a, a chhan chu nangmah duhthlanna ngeia amah chu hmangaiha zui turin a duh che a ni.

Pathian thinlungah i pawimawh ber chung pawh hian, engvangin nge tlanbo i tum le?   

Ngaihtuah zui atan

* Engvangin nge Pathianin amah hmangaih tur leh zui tura duhthlanna siam turin a duh che? 

* Pathian laka hel zawnga thutlukna i siam chang hian, engang sawhkhawk nge i lo tuar ve thin le? 

* Pathianin tihtur a pek che lak ata i tlanbo em? Engvangin nge chu chu i do tlat?

*[Lettu: Sangpuia]*