Aizawl | April 15, 2024: Mizo Zirlai Pawl (MZP) General Headquarters, Aizawl chuan vawiin khan Mizoram Public Service Commission (MPSC) chairman bang tura phutin, MPSC pisa kai tur an dang.
MZP chuan, MPSC Chairman a ban hma chuan MPSC pisa kai tur dan chhunzawm zel an tum.
MZP chuan Mizoram Public Service Commission (MPSC) hnalak hrang hrangah thil fel lo a awm ngei nia a hriat vangin MPSC Chairman chu mawhphurhna laa bang turin a lo ngen tawh a. Press Release bakah Press Conference pawh neih tawh a ni.
MZP ngennain awmzia a neih loh avangin vawiin ni 15 April, 2024 (Thawhtanni) zing dar 8 atangin Chairman ban phutin MPSC Office kawtah punkhawm a ni a. MPSC hnathawkte pisa kai tur dan ṭan an ni.
vawiin tlaia MZP Pisapui-a MZP hruaitute thukhawm chuan, MPSC Chairman hi a ban hma chuan MPSC pisa kai tur hi dan chhunzawm zel nise a ti a. MZP hmalaknain awmzia a neih loh zel chuan lian zawka hmalak nise an ti bawk.
Meeting chuan, Jr. Grade of Mizoram Forest Service (Asst. Conservator of Forest) mi pathum (3) lak turah, Examination neih vek tawh chu MPSC hian Answer Papers an endik (evaluate) loh tur thu ni 10/4/2024 khan thuchhuah an siam a. Environment Forest & Climate Change (EF&CC) Department Service Rules leh Advertisement anga Exam neih tawh chu edik ngei turin MZP chuan MPSC a phut nghal bawk a ni. MZP chuan a ṭul angin MPSC hnuaia hnalak hrang hrangte a vil pah zel dawn a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: