ENGVANGIN NGE NGAIHDAMNA HI I THLAN FO VANG?

_I Nun Thiltum Puanchhuahna_

-  Rick Warren 

-  April 16, 2024

“Nimahsela, mite in ngaihdam si loh chuan, in Pain in bawhchhiatnate a ngaidam bik lo vang.” (Matthaia 6:15)

Mi i ngaihdam theihloh chuan Pathian pawhin ngaidam lo se i tihna a ni a. Chumi chuan i nuna khakna leh huatna a ti lang a ni.

Mi dangin hremna hmachhawn se i tih laiin nang chuan i tihsual avangin ngaihdamna i phut thung si a, lungngaihna zakhuaah i inhnuk lut mai a ni. Mi dang i ti na lo va, nangmah i inti na zawk a ni.

Isuan, “Nimahsela, mite in ngaihdam si loh chuan, in Pain in bawhchhiatnate a ngaidam bik lo vang,” a ti.  (Matthaia 6:15)

Ngaihdamna chuan hun kalta, tun hun leh hma lam hun a nghawng a ni.

* Hun kaltaah khan vawi tam Pathianin a ngaidam che a ni.

* Ngaihdamna i tlakchham chuan lungngaihnaah i in hnuk lut tihna a ni.

* Hma lam hunah Pathian ngaihdamna i la mamawh dawn.

Jona kha ngaihtuah teh. Ninevi khua miten Pathian thinurna an tawngbuak tur thu a hrilh a, an sim a, Pathianin a ngaidam a, hremna an pumpelh a ni. Mahse chu chuan Jona a ti lungawi lo va, a rilru chhiatzia kan hmu a ni.

Nimahsela Jona kha engtin nge Pathian hnen ata a tlanbo kha? Ama sualna ngei pawh ngaihdamna a beisei ve tho a ni. Ninevi khua a mite kha Pathianin ngaidam lo se a ti a ni.

Jona chu hetiang hian a tawngtai a, “Nang zawng khawngaih ngah, thil tha lo laka lamlet thin i ni tih ka hria a ni. Chuvangin, Aw Lalpa tunah ka nunna hi mi laksak turin ka ngen a che; kei atan hian dam aiin thih a tha zawk si a.” (Jona 4:2-3)

Jona chu a lungawilohna avang chuan amah leh amah a intihrehawm mai mai a ni.  Ninevi miten Pathian khawngaihna an dawn lai chuan Jona chu zak takin a awm ta zawk a ni.

Tunhmain nangmah tina tu che mi i ngaidam a - chumi bawk chu tun hnuah hian ngaihdam leh a ngai a, a harsa viau thin mai. Engvang nge? Achhan chu Pathianin hun kaltaa i sualnaah a ngaidam che a, i hmalam hunah pawh ngaihdam che a la intiam cheu a ni. 

“Kan sualte thupha kan chawi chuan kan sualte ngaidam tur leh kan fel lohna zawng zawng tlengfai turin amah chu a rinawmin a fel a ni.” (1 Johana 1:9)

Ngaihtuah zui atan

* Huatna leh khakna chuan engtin nge i nun a nghawng - chu rilru chuan midang engtin nge a nghawng? 

* Nangmah tina tu ber ngaihdam chu engtia harsa nge ni le? Chu harsatna chu engtin nge i paltlan theih ang? 

* Vawiin hian mi ngaihdam tur i nei em han ngaihtuah vang vang teh. Ngaihdam tur i hria a nih chuan hma i la tan tihna a ni.

*[Lettu: Sangpuia]*