Vawiin ni 26, Zirtawpni chawhnu khan Aizawl Sipai Lammual ah Women's League vawi thumna final khelh niin Mizo Football News hian Kulikawn FC chu 2-1 in an hneh a ni.
Kulikawn FC tan minute 5 naah defender Lallungmuani'n goal hmahruai a khung a, first half tawp dawnah Lalduhthlani Pachuau in Mizo Football News tan an siphurh a sut a. Hun pekbelh (extra time) khelh a ngai dawn emaw tih a nih mek laiin, injury time ah Lalduhthlani bawkin Mizo Football News tan khung lehin, 2-1 in an chak ta a ni.
Champion team Mizo Football News hian trophy leh cheng singnga an dawng a, 2 na Kulikawn FC in trophy leh cheng singhnih an dawng thung.
MFA Women's League final ah hian Khuallian Er. H. Duhkima, Director, PMU, PHE Department leh Pu Jeje Lalpekhlua, MLA ten lawmman an sem a ni.
Best player : Lalthansangi, Mizo Football News
Top scorer: Lalsangpuii Sailo, SYS 'A' (Goal 15)
Fairplay Award: Lalhmachhuani Memorial, Ramhlun South
Post a Comment
He post chungchanga i ngaihdan lo sawi ve rawh: