Aizawl | April 3, 2024: Lawngtlai District Students' Association (LDSA) chuan tunhnai Feb 28, 2024, March 4 leh March 62024 a Lai Autonomous District Council (LADC) hnuaia department hrang hrang a appointment pek te chu, appointment an hmuhna tura approval pe tu tur ber CEM in majority a command tawhlo tih report LADC MDC 13 (Sawmpathum) ten DC&MA Govt.of Mizoram leh, Governor of Mizoram hnena report an thehluh hnu ah leh Governor in floor test nei tura order a pek tihchhuah anih hnu a appointment approval hi pek anih avangin, Governor hnenah he thil hi chhuichianga, heng hna pek te hi sût tura ngenna April 1, 2024 khan an thehlut.
LDSA hruaitute'n an tarlan dan chuan, LADC a MDC 13 (sawmpathum) ten District Council & Minority Affairs Department (DC&MA) leh Governor hnena LADC Chief Executive Member (CEM)-in LADC sorkar-ah majority a command tawhlo tih an thehluh ni Feb 28, 2024 khan LADC hnuaiah mi 10 appointment pek niin, Governor order anga Feb 29 a floor test nei tura order tihchhuah anih hnu March 4, 2024 ah appointment pakhat pek ni in, Governor order anga floor test nei tura secretary LADC in notification March 4 a tih chhuah atanga ni hnihna, March 6-ah khan mi pariat LADC hnuaiah appointment pek leh an ni.
Heng LADC hnuaia appointment pek te hi CEM LADC in majority a command tawhloh hnu a pek te an nih avangin, LDSA chuan April 1 khan Mizoram Governor hnenah he thil hi chhuichianga, heng hna pekte hi sût tura an duh thu lehkha siamin an thehlut a ni. LDSA in Governor lehkha an pek hi Secretary DC&MA Govt.of Mizoram pawh a copy pek ni in, a tul anga lo bawhzui sak turin LDSA chuan a ngen bawk a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: