Electric Veng Branch YMA-in Vantlang tan a thlawna tuivawt in tur chhawp

Aizawl | April 5, 2024: Electric Veng Branch YMA chuan tukin dar 7:30 khan an Hall hnuai kawngpui anah Water Cooler dah thar chu hawngin a hmingah EYMA TUISIK an vuah a, EYMA TUISIK hi darkar 24 chhung a duh apiang tan tuisik thianghlim in tur a thlawnin an chhawp a ni.

EYMA TUISIK hi Pu Lianchungnunga ( President EYMA 1996) in a hawng a.

E YMA President Pu C Lalrokhuma chuan thu sawi in Pathian in Electric Veng YMA te tuihna malsawmna nasa tak min pe a, tunah hian midangte tan malsawmna ni ve turin hma kan la mai ani ati. Khua alum chho dawn a, EYMA TUISIK hi a ţangkai tawlh tawlh dawn a ni, ati.

Electric Veng YMA hian an Hall kawt kawngpui an ah tuihna a tui a duh apiang chawi theih in ruahmanna an lo siam tawh a, tunah hian tui thianghlim intur an chhawp leh ta ani. Hetiang Tui thianghlim in tur chhawp hmasa ber Branch YMA an ni a hriat ani.