BJP Mizoram Election Manifesto Foreign minister S Jaishankar in tlangzarh

Aizawl | April 12, 2024: BJP Mizoram chuan nimin chawhma dar 11 khan Lok Sabha MP Election lo awm tur atana BJP Mizoram Election Manifesto Tlangzarhna hun Hotel Regency ah neiin, Manifesto tlangzarh tur hian Dr S. Jaishankar Minister of External Affairs Govt Of India a rawn kal.

Pu Jaishankar hian Manifesto Tlangzarhna hun a neih zawh ah Chanchinbu mi te nen inkawmhona neiin, he mi hnu hian University Professor leh Sawmbik te nen inkawmhona hun neih leh a ni. He mi hnu hian, Mizoram Chief Minister Pu Lalduhoma nen inkawmna hun an nei leh bawk a ni.

Pu Jaishankar hian Aizawl Dawrpui phei ah dawr hrang hrang a tlawh kual a, Governor ah chawlin Mualpui Helipad atangin Lengpui Charter Flight hmangin New Delhi a pan leh nghal ani.

Pu Jaishankar chuan BJP Mizoram MP Official Candidate Pu Vanlalhmuaka chu Mizoram Lok Sabha MP atana lo thlang tling ngei tur leh Mizoram a hmasawnna tam tak lak luh a nih theihna turin BJP Official candidate hi lo thlang tling ngei turin Mizoram mipuite ka sawm che u ani a ti.

Inkhawm hi Dr. K Beichhua, MLA State Election Management Chairman in a kaihruaia, Pu Vanlalhmuaka State President, BJP (Lok Sabha) MP Official Candidate-in thusawina hun a nei a, Pu Vanupa Zathang IPS (Retd) State Vice President-in lawmthu sawina hun a hmang bawk a ni.