Sports & Youth Services Department leh Mizoram Football Association buatsaih Khelo India Women's Football League hmasa ber chu vawiin ni 23.4.2024 (Thawhlehni) hian Aizawl Sipai Lammual ah khelh tan a ni ta.
Vawiin inkhel hmasa zawkah Springfield HSS in 5-0 in SYS FC an hneh a. Lalsangpuii Sailo leh Lalhriatrengi ten goal hnih ve ve an khung a, Vanlalrohluin goal khat a thawh bawk.
Inkhel hnuhnung zawkah St Joseph HSS chuan 8-1 in Mt Carmel HSS an hneh a. St Joseph tan hian Emy chuan hattrick siamin, Lawmzualin goal 2 a khung a, Cindy leh Elizabeth ten goal khat ve ve an khung bakah an khungpuite own goal pakhat an hlawkpui bawk a ni. Mt Carmel tan Imanuel Malsawmtluangin goal khat a khung ve a ni.
April ni 25, Ningani leh April ni 27, Inrinni ah khelh chhunzawm a ni ang a, a sang team pahnihin April ni 30, Thawhlehni khian final an khel dawn a ni.
Post a Comment
He post chungchanga i ngaihdan lo sawi ve rawh: