PHURNA THAR NEI TURIN PATHIAN HNAIH RAWH

  Pathian Nena Thawhdun

Rick Warren

Mar 13, 2024

“Ngai teh, kawngkhar bula dingin ka kik hi, tupawhin ka aw hriaa kawng a hawn chuan a hnenah ka lut ang a, a hnenah zanriah ka ei ang a, ani pawhin ka hnenah a ei bawk ang.” Thupuan 3:20.

Pathianin thinlung a pe che a, chutah chuan phurna, duhna leh duhthusam te a dah a ni. Nimahsela chungte chu Pathian thuhnuaiah a awm loh chuan, hman sual a awl a, hman khawloh a nih a, hman sual a nih chuan, i nun khawh ralna mai a ni ang. 

Khawvela mi tam takte hian an tuina te an duhthusam te an thiltumte an hmang dik loin an hmang khaw lo va. Pathian thinlung an ti na a ni. An talent leh an phurna piah lamah heng mite hi an hlim lo a ni - i phurna te i hman dik loh chuan, lungngaihnain a tlakbuak ang che.

Thenkhat chuan hetiang hian an ngaihtuah mai thei a, “Tun dinhmunah chuan eng thilah mah hian ka phur lo.” Chutianga i sawina chhan chu i hria em? A chhan chu Pathian lak ata i bo vang a ni. Pathian nen in inzawm a nih chuan lunghnur zetin i awm lo vang. Pathian nen in inthlunzawm chuan, kawlphetha 220 volts a inthlunzawm ang mai i ni ang a, phurna thar i nei ang!

Pathian chu phur thin Pathian a ni. Thinlunga phurna i neih thin te pawh hi Pathianin ama anpuia a siam che vang a ni.  Pathian pawh rilru hlim thei leh na ve thei tho a ni a. Amah aia thil dang i thlan hian Pathian thikthu a chhe thin a. Pathian chuan hmangaihna tawp lo vin a hmanngaih che a; eng ang pawhin lo khawsa tawh mah la, a hmangaih reng ang che. Chu chu a ni Pathian hmangaihna chu.   

Pathian nena nitin hun i hman chuan amah nen in inzawm tihna a ni ang, thil dangah pui thei lo mah la, hmangaihna nei rawh. Pathian rilru ang chu khawvelah lantir ang che. A rilru ang chu put tum bawk la. I thian kawm a zirin i danglam ang.

Tleirawl ho atangin a hriat theih a ni. Tleirawl hi lawmna chang hre lo ho zingah dah la, kar khat chhungin chu tleirawl chuan an awmdan chu a la nghal ang. Eng vang nge? Tu nen nge in inkawm thin tih hian kawng ro a su hle a ni. 

I nunah chakna thar lak i duh em? Thathona nen? Phur taka ke pen i chak em? Engtin nge chu chu i neih theih tih ka hrilh ang che. Phurna tih te hi a tawng bul - Greek lamah chuan - ‘Pathiana awm’ tih a ni a. Chumi awmzia chu Pathianah i awm chuan phurna i nei ang. Pathian i hnaih poh leh phurna, chakna leh thil dang pawh i neih belh zel ang. Nimahsela i kal hlat chuan - i kawlhrawng tulh tulh ang. I thinlung chu Isua lamah hawng ang che.  

 

Ngaihtuah zui atan.

* Mi te nena i hun hman avang leh thil danga i hun hman avang hian Pathianah phurna i nei tlem nge i nei tam sawt zawk? 

* Eng te nge i phurna. Engtin nge chu chuan Pathian a tih ropui theih ang?

 

* Pathian nena fianrial nun i hman theih nan nitina i hun hman thinah i eng nge thlak danglam ngai le?

Vawiin hian Isua i zui dawn em?

Bible chuan vanram chu Pathian rinna Fapa, Isua Krista kaltlanga in neih chauhin in lut thei ang a ti a. Vanram chu nangmaha i hlawhchhuah mai theih a ni lo. “Rinna avanga khawngaihnaa chhandam in ni; nangmahni thawhchhuah a ni lo va, Pathian thilpek a ni; thiltih avang a ni lo ve, chuti lo chuan miin an chhuang dah ang e.” Ephesi 2:8-9

I sualna te i puang duh a niha, i nunah Isua i thlang duh a nih chuan, heti hian tawngtai ang che.

“Lalpa, thu min tiam angin, Isua ka ring a nih chuan, ka tihsual zawng zawngte min ngaidam dawn a, ka nun awmzia te ka zir ang a, engtikniah emaw chuan i chatuan in nuamah min lo pawm ve ngei dawn a ni.

“Ka sualnate ka puang a, ka Lalpa leh Chhandamtu atan Isua hi ka pawm e. Isu, i hnung zuia, i rawngbawl ka duh e. Ka nun tlawm tak hi ka hlan che a, i ang chhunga min pawma min chhandam ve turin ka dil a che. Amen”

Hetianga i tawngtai a nih chuan, Rick@PastorRick.com ah hian email min lo thawn la. Isua nena zinkawng i zawhtanna atana pawimawh te a thlawnin ka lo thawn ang che.

[Lettu: Sangpuia]