Kum 2023 chhunga Peotry bu ṭha berah 'Thingthlavar' thlang

Aizawl | March 21, 2024: Vawiin March 21, 2024 khan Mizo Poetry Society leh Department of Mizo, Pachhunga University College tangkawp chuan World Poetry Day 2024 lawmna leh, Poetry Workshop chu I & PR Auditorium-ah an hmang a, Pi Carol VLMS Dawngliani, Director, Art & Culture Department chu khuallian a ni a; he hunah hian kum 2023 chhunga Mizo kutchhuak poetry bu chhuak zinga tha ber atana thlan 'Thingthlavar' tih chu a ziaktu Nununa Renthlei hnenah MIPOTY Book Award hlan a ni.

Khuallian Pi Carol VLMS Dawngliani chuan poetry lama Mizote kan ṭhan nasat dan a sawi a, Mizoram Publication Board-ah poetry bu chhuahsak tura dil an tam ṭhin thu te sawiin thu leh hla ziaktute chu kan ziah theih loh ziaktute an ni, tiin poet-ho ropuizia te a sawi bawk a, poetry lama hma sawn zel turin kal khawmte a chah a ni.

He hunah hian Dr. H. Laldinmawia, President, MIPOTY pawh thu a sawi bawk a. Prof. RL Thanmawia, Sr. Adviser & Founder President, MIPOTY chuan thangtharte poetry hrang hrang dah khawmna bu 'ZAIKUNG THAR' Vol - 6 a tlangzarh a, he lehkhabu hi lehkhabu dawr hrang hrangah lei theih a ni.

World Poetry Day lawmna hi KC Lalthansanga, Secretary-in a kaihruai a ni.

Hun hnihnaah hian Poetry Workshop neih a ni a, Dr. Remlalthlamuanpuia, Asst. Professor, PUC chu Moderator a ni a, Pu Lalsangzuala, Asst. Professor, MZU chu resource person niin hun hlimawm tak hman a ni bawk.