Aizawl | Feb 13, 2024: MZP ten Tlabung Higher Secondary School (Science Stream) Samagra hnuaia thawk Lecturer transfer Order Sawrkar in an cancel leh chungchangah Lungawi lohna an lantir.
Dt 13.02.2024 Zing Dar 8:30am khan MZP Sub Hqrs, Tlabung chuan Tlabung Bazar ah Tlabung Higher Secondary School (Science Stream) Samagra a Chemistry Lecturer Sawrkar in an tranfer na order an cancel leh avangin lungawi loh na an lantir.
He hun hi Lallawmawma Pachau, President MZP Sub Hqrs Tlabung in kaihruai a. Lalpeksanga Chenkual, President MZP Hqrs Lunglei in thu a sawi.
Chemistry Zirtirtu an neih loh avangin Zirlaiten harsatna an tawk nasa em em a, Board Exam hmachhawn mai tur an nih avangin Zirlai te an mangang hle a. Zirlaite harsatna hria a Chemistry Zirtirtu kan neih sa hi rawn dah let ngei turin MZP chuan Mizoram Sawrkar a ngen a. MZP hmalakna in awmzia a neih loh chuan MZP chuan a tawp thlengin hma a lak chhunzawm zel dawn thu President chuan a sawi.
Transfer order Sawrkar-in a cancel lehna copy chu MZP in nghal nghal in, Ni 15 chhung Sawrkar ngaihchan nise, chumi hnuah engmah thu thar a awm loh chuan a ai na zawkin Chemistry zirtirtu an neih theih nan hma a lak chhunzawm dawn a ni.
Tlabunga zirtirtu ni lai chu Serchhip-ah dah a no a. Tlabung lam ngenna avangin Serchhip aṭang hian Tlabungah sawn let turin sawrkar hian transfer order a tichhuak a, Serchhip HSS lamin an zirtirtu chhuak tur hi uiin an dang a, hemk avang hian sawrkar hian a thu a zuk leh ta a ni.
Chumi avanga lungawi lo chuan MZP Tlabung lam hian Transfer Order cancel a nih lehna copy hi an hal ta a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: