TAWPSAN TUR CHUAN A LA HMA LUTUK

_Hmuh Theih Loh Indona_

Rick Warren

Feb 27, 2024

"Chu mi avang chuan kan dawl lo va, kan pawn lam mihring hi lo awngrawp telh telh mah sela, kan chhung lam mihring chu nitin siam thar zelin a awm zawk a ni. Kan hrehawm nep tak, tun mit khap kar chhung chauhva awm tur hian ropuina nasa tak chatuan atan min siamsak nasa tulh tulh a ni.” 2 Korinth 4:16-17

Mi rinawm leh rinawmlo te danglamna i hria em? Mi rinawmlo te chu harsatna an tawh vawikhatnaah an bansan mai thin. Mi rinawmte chu an kal zel thin. Mi rinawmte chuan tum an nei a, tha thlah lo vin, an bei tang tang thin. Tawpsan dan an thiam lo hial zawk a ni. Oak chi a tira te takte lo puitlin chhoh dan i hria em? A tira thil chi mai kha than a thulh loh avangin oak puitling a lo ni ta. 

Engmah chinfel theih chu ka nei lo, nimahsela thil pakhat erawh chu ka hria: i tawpsan hma chu ila hlawhchhamlo tih hi, chuvang chuan tawpsan tur chuan a la hma lutuk a ni. Kan dawhtheihna en turin Pathian chuan harsatna te pawh min paltlang tir thin a ni.

Saddleback kohhran bul kan tan khan, Biak In nei thuai turah ka inngai a. Kum 15 chhung Biak In nei lovin kan kual a. Kum 13 chhung khan hmun hrang hrang kan luah hawh a ni. Thawhtanni apiang deuhthaw hian bansan ka tum a. Vawi engzat nge tawpsan ka tum ka hre lo. Nimahsela tawpsan dan ka thiam lo a ni. Pathian chuan, “Rick, Biak In pe lo ta che ila, ka rawng ila bawl tho ang em?”min ti a. Kei chuan, “Tehreng mai, i rawng ka la bawl zel ang,” tiin ka chhang a.

Saddleback kohhran chuan Biak In kan neih hmain mi 10,000 chuangin kan thang tawh a ni. Engtin nge kohhran member 10,000 chuang lai chu i enkawl theih min ti maithei e. Engmah inchhuanna tur ka nei lo. Taihmakna chiah hi a ni. Pathian chuan kan dawhtheihna enturin harsatna min paltlang tir thin a ni.

Tunah hian harsatna i paltlang mek anih chuan he chang hi i ta tur a ni, "Chu mi avang chuan kan dawl lo va, kan pawn lam mihring hi lo awngrawp telh telh mah sela, kan chhung lam mihring chu nitin siam thar zelin a awm zawk a ni. Kan hrehawm nep tak, tun mit khap kar chhung chauhva awm tur hian ropuina nasa tak chatuan atan min siamsak nasa tulh tulh a ni.” 2 Korinth 4:16-17

Pathian chuan i chunga thil thleng ai chuan tunah engnge i nih chhoh mek tih hi a ngai pawimawh zawk. Ani chuan thlemna te, harsatna te, tihduhdahna leh thil khirhkhan te chu rinawmna, dawhtheihna leh nundan mawi zirirtir nan che a hmang a ni. Tuna harsatna i paltlang mek pawh hi i rinawmna fiahna a ni. I nunah harsatna i tawh pawhin, Pathian rawng i la bawl tho dawn em?

 

“Tichuan thil tha tih i ning suh ang u; kan inthlahdah loh zawngin a hun takah chuan kan seng dawn si a” Galatia 6:9

 

Ngaihtuah zui atan

 

* I eng dinhmunah nge tawpsan tura i in ruahman le?

* Chutiang dinhmunah chuan dawhtheihna leh chakna i neih zel theihnan engtin nge i thlarau chu i siamthar ang ?   

* Thlemna karah nangmah atang leh Pathian hnen atangin engnge i zirchhuah? Engtin nge i nun a thantir che?

*[Lettu: Sangpuia]*_Hmuh Theih Loh Indona_

*TAWPSAN TUR CHUAN A LA HMA LUTUK*

Rick Warren

Feb 27, 2024

"Chu mi avang chuan kan dawl lo va, kan pawn lam mihring hi lo awngrawp telh telh mah sela, kan chhung lam mihring chu nitin siam thar zelin a awm zawk a ni. Kan hrehawm nep tak, tun mit khap kar chhung chauhva awm tur hian ropuina nasa tak chatuan atan min siamsak nasa tulh tulh a ni.” 2 Korinth 4:16-17

Mi rinawm leh rinawmlo te danglamna i hria em? Mi rinawmlo te chu harsatna an tawh vawikhatnaah an bansan mai thin. Mi rinawmte chu an kal zel thin. Mi rinawmte chuan tum an nei a, tha thlah lo vin, an bei tang tang thin. Tawpsan dan an thiam lo hial zawk a ni. Oak chi a tira te takte lo puitlin chhoh dan i hria em? A tira thil chi mai kha than a thulh loh avangin oak puitling a lo ni ta. 

Engmah chinfel theih chu ka nei lo, nimahsela thil pakhat erawh chu ka hria: i tawpsan hma chu ila hlawhchhamlo tih hi, chuvang chuan tawpsan tur chuan a la hma lutuk a ni. Kan dawhtheihna en turin Pathian chuan harsatna te pawh min paltlang tir thin a ni.

Saddleback kohhran bul kan tan khan, Biak In nei thuai turah ka inngai a. Kum 15 chhung Biak In nei lovin kan kual a. Kum 13 chhung khan hmun hrang hrang kan luah hawh a ni. Thawhtanni apiang deuhthaw hian bansan ka tum a. Vawi engzat nge tawpsan ka tum ka hre lo. Nimahsela tawpsan dan ka thiam lo a ni. Pathian chuan, “Rick, Biak In pe lo ta che ila, ka rawng ila bawl tho ang em?”min ti a. Kei chuan, “Tehreng mai, i rawng ka la bawl zel ang,” tiin ka chhang a.

Saddleback kohhran chuan Biak In kan neih hmain mi 10,000 chuangin kan thang tawh a ni. Engtin nge kohhran member 10,000 chuang lai chu i enkawl theih min ti maithei e. Engmah inchhuanna tur ka nei lo. Taihmakna chiah hi a ni. Pathian chuan kan dawhtheihna enturin harsatna min paltlang tir thin a ni.

Tunah hian harsatna i paltlang mek anih chuan he chang hi i ta tur a ni, "Chu mi avang chuan kan dawl lo va, kan pawn lam mihring hi lo awngrawp telh telh mah sela, kan chhung lam mihring chu nitin siam thar zelin a awm zawk a ni. Kan hrehawm nep tak, tun mit khap kar chhung chauhva awm tur hian ropuina nasa tak chatuan atan min siamsak nasa tulh tulh a ni.” 2 Korinth 4:16-17

Pathian chuan i chunga thil thleng ai chuan tunah engnge i nih chhoh mek tih hi a ngai pawimawh zawk. Ani chuan thlemna te, harsatna te, tihduhdahna leh thil khirhkhan te chu rinawmna, dawhtheihna leh nundan mawi zirirtir nan che a hmang a ni. Tuna harsatna i paltlang mek pawh hi i rinawmna fiahna a ni. I nunah harsatna i tawh pawhin, Pathian rawng i la bawl tho dawn em?

 

“Tichuan thil tha tih i ning suh ang u; kan inthlahdah loh zawngin a hun takah chuan kan seng dawn si a” Galatia 6:9

 

Ngaihtuah zui atan

 

* I eng dinhmunah nge tawpsan tura i in ruahman le?

* Chutiang dinhmunah chuan dawhtheihna leh chakna i neih zel theihnan engtin nge i thlarau chu i siamthar ang ?   

* Thlemna karah nangmah atang leh Pathian hnen atangin engnge i zirchhuah? Engtin nge i nun a thantir che?

*[Lettu: Sangpuia]*