School Education Minister-in ZoCareer Solutions buatsaih Pre NEET/SMATEE 2024 Top 10 a langte lawmpuina hun hmanpui

Aizawl | February 17, 2024: ZoCareer Solutions, Chanmari chuan Mizoram chhunga Pawl 12 Science Subject zirlaite tana inelna a buatsaih Pre NEET/SMATEE 2024-a Top 10 a langte lawmpuina hun leh tun hnaia ZoCareer Coaching Institute hnuaia hna hmu tharte chawimawina hun chu Govt. Hrangbana College Conference Hall-ah, 16th feb 2024(Zirtawpni) tlai dar 4 khan a buatsaih a. He hun hi Education Minister Dr. Vanlalthlana chuan khuallian niin a hmanpui.

Education Minister Dr. Vanlalthlana chuan entrance pawimawh tak taka inziak tling te chu lawmpuiin an hmalam hun atan duhsakna a hlan a. An zirtir te a bula atanga tha taka tan tur te, tumruhna nei tur leh an hlawhtling nghal lo a nih pawhin teirei an peih phawt chuan hlawhtlinna an la sualchhuah tur thu a sawi a. Hnaruaka inziak tling te pawh lawmpuina leh duhsakna a hlan a. Thinglung thianghlim, mi taima leh mahni hna a inpe kan ramin a mamawh tih a sawi.

He hunah hian ZoCareer Solutions Managing Director Pu Lalhruaitluanga fuihna thu a sawi a. Felicitation program chu Pu. RK Hnuna Director, ZoCareer Solutions chuan a kaihruai thing.

Pre NEET/SMATEE 2024 a Top 10 te hian Pawisa fai leh lawmpuina thuziak an dawng a. Hnaruak hrang hrang tun hnaia hlawhtlinna chang Mi 18-te hnenah lawmpuina thil pek hlan a ni bawk.