Nungcha humhalhna dan bawhchhiat vangin mi pathum man

Savaa chi hrang 142 leh thehlei thahnem tam an kaphlum

Aizawl | Feb 13, 2024: Nimin D.t 12.2.2024 (Thawhtanni) khan Wildlife (Protection) Act, 1972 (Nungcha Humhalhna Dan) bawhchhiaa Silai (Air Rifle) hmanga Sava chi hrang hrang 142 zet leh Thehlei chi hrang hrang tihlumtu mi pathum (3) -

1) Lalchhuanawma (33)

S/o Zaliantluanga

Tlungvel Venghlun, Aizawl District

2) HS Tlangkhuma (68)

S/o Salthanga

SoTlungvel Vengthar; Aizawl District: leh,

3) Lalthazuala (41)

S/o Lalzara

SoTlungvel Venghlun; Aizawl District

te chu EF&CC department hnathawktuten manin heng mi pathumte hi Judicial Magistrate hmaah hruai nghal nin dan anga tih fel ngaite tihfel a nih hnuah nizan dar 8:30 PM vel khan Central Jail ah dah luh nghal an ni. Sava leh Thehlei an tihhlumte chu - Tukkhumvilik - 108; Vahui - 10; Tuklo - 10; Kawlrit - 10; Vate - 2, Kulherh - 1, Liandorit - 1, Hlei-kapsen - 3, Hlei-lubial - 2 leh Hlei-meipar - 2 te an ni.

Dt 10.2.2024 (Inrinni) khan EF&CC department hnuaia Seling Forest Range leh Tawi Wildlife Sanctuary staff-te chuan joint patrolling neiin a chunga hming tarlan et khi Tlungvel khaw daiah an Sava leh Thehlei kah hlumte bakah an kah hlumna hmanruate nen zan dar 9:00 velah an nangching a. An Sava leh Thehlei kah hlumte bakah an kah hlumna hmanruate hi man sak nghalin hemi zan hi Inrinni zan a nih avang leh a tuk Pathianni a nih avangin Dt 12.2.2024 (Monday) ah Aizawl Wildlife Division Office-ah ni report tura hriattir an ni a, hemi ni vek hian magistrate hmaah hruai nghal nin Central Jail-ah dah luh nghal an ni. Hmanrua man sakte hi Air Rifle - 2leh amu box 1-, SBBL - 1 leh a mu 15, Hand pump (Air Pump) - 1 te an ni. An Sava leh Thehlei kahna hmun hi Phulmawi ram, Zawngsih hmun nin akap tute hian an sawi na a, Tawi Wildlife Sanctuary hnaih lam anih avangin Sanctuary chhung ami anih leh nih loh chhui chian mek a ni.

Tun lai huna Ramsa leh Sava veh ching an la awm fo hi EF&CC department chuan pawi a tin a ngaimawh tak zet a, dan bawhchhe lo turin mitin a ngen nawn leh a ni. Dan ang chuan hetiang ti tute hi kum thum thleng Lungin tantir emaw, Rs. 25,000/- (singhnih sangnga) thleng chawitir emaw, a pahnih hang pawha hrem kawp theih an ni a, Wildlife Sanctuary chhunga thil thleng a nih phei chuan hremna hi a let a tih nat theih a ni. Tin, mipuite pawh hetiang tih chingte zawn chhuah kawngah EF&CC Department thlawp tlat tur leh a tul anga thawhpui zel turin an sawm nghal bawk.