MAHNI INBUMA DAWT SAWI BANSAN RAWH

_Hmuh Theih Loh Indona_

Rick Warren

Feb 13, 2024

"Sual ka nei lo kan tih chuan mahni leh mahni kan inbum a, thutak chu keimahniah a awm lo a ni.” 1 Johana 1:8

Vawi tam mahni inbumin hetiang hi kan sawi thin: “Ka buk a rit miah lo.” “Mi tu mah ka ti na lo.” “Tu man an hre lo.”

Nimahsela dawt vawi khat sawi hi thil dang aiin a hlauhawm tlat. “Kan sum leh pai ah harsatna a thlen lo, kan nupa nun a ti buai lo, mahni inthun thei lo khawpin ka thinrim lo,” te kan ti thin. 

Mahni inbumna hi kan nun buainaa min hnuk lut tu pakhat a ni. Bible chuan, "Sual ka nei lo kan tih chuan mahni leh mahni kan inbum a, thutak chu keimahniah a awm lo a ni,” a ti. 1 Johana 1:8 Sual chuan mahni inbumna a thlen a, inbumna chuan sual ah min hnuk lut a ni.

Mahni kan intihkhawloh fo na chhan chu kan dawt sawi kan rin thin vang hi a ni. Mahni kan inbum a nih loh vek pawhin Setana dawt sawi kan awih tihna a ni. 

   

Bible chuan, “Thinlung hi thil zawng zawng aiin bumhmang ber…,” a ti a ni. Jeremia 17:9. Nang leh kei hian mahni inbum theihna thiam thil kan lo nei reng a lo ni.

Tun hi bansan hun a ni. Ngaihtuah vak vak te, nung chang dah nep te, chhuanlam siam te, ngaihzam lutuk te bansan a hun tawh a ni.

Mahni intihtlawmna bansan tur chuan - Isua kan zuina tur daltu zawng zawng kan paih bo vek a ngai a ni -mahni inbum pawh bansan a ngai. Isuan, “Tin, thutak in hria ang a, thutak chuan bawih a ban ang che u,” min ti a ni. Johana 8:32

A tirah chuan, thutak chuan a ti lungngai ang che. Mahni intihtlawmna nungchang hi i kalsan thei lo vang, a awm ve a ni tih i awih loh ngat phei chuan. 

Mahni i inbum reng chuan harsatna chu i hneh thei lo vang. Hnehna chu thudik sawi atang leh thil dik tih tumna thinlung atangin a in tan a ni.

Ngaihtuah zui atan

 

* Mahni intihchhiat vek theihna nun pai reng siin, pai lo angin i awm em? Engang nungchang hi nge hrisel lo?

* Danglam tluan tling i neih theihna tura daltu dawt i pawm tlat si awm thei te eng te nge ni?

* Mahni leh Pathian chungah thudik tak tan ai chuan mahni inbum a awlsam zawkna na chhan hi engvang nge?

*[Lettu: Sangpuia]*