Lalsavunga Park khamah tla

Aizawl | Feb 14, 2024: Vawiin Feb 14 tlai dar 4:30 vel khan Ramhlunmawii (31), Chawnpui Veng, Aizawl chu Lalsavunga Park, Hlimen khamah a tla.

Hun eng emaw chen lachhuak tura buaipui a nih hnuin zanin dar 9 bawr vel khan lakchhuah a ni.

Metre 200 vel a lum a. A kham a chhengchhiat avanga lakchhuah mai a harsat avangin Hlimen khawtlang leh Central YMA hnuaia Disaster Respond Team-ten an thawk a, rei fe an buaipui hnu-ah an la chhuak ta a ni.

A kham a san vang leh rualrem loh vangin hliam tuar lak chhuah hna thawh chak theih a ni lova. A hmuna awmte chuan Ramhlunmawii hian na a sawi theih thu an sawi a, 'Chin hriat erawh a ni lo,' an ti.

Ramhlunmawii hi a pasal nen Lalsavunga Park-ah hian an kal a, a bag thlauh palh a, chumi chhar tur chu khamah hian a lum ta niin thudawnna chuan a tarlang.

A tlakna lai hi Park ding lam balcony hmasa ber piah chiah, Balcony piah chiah kham kha a ni a, a awih hle a ni.

A dinhmun hi chiang takin hriat a la ni lova, a hmuna awmte atangin chanchin ngaihchan mek a ni.