INDONAAH KAWPPUI I MAMAWH

_Hmuh Theih Loh Indona_

Rick Warren

Feb 14, 2024

"Chutichuan, tihdama in awm theih nan in sualte thupha chawi tawn ula, intawngtaisak tawn thin rawh u. Mi fel tawngtaina chuan thil nasa tak a ti thin.” Jakoba 5:16

Mahni chauh vin indonaah an kal ngai lo. Mahni intihlum tura kal ang an ni. Mi tuemaw i hnungah an awm tur a ni. 

Indonaah chuan kawppui i mamawh.

Chutiang chiah chu thlarau lam indonaah pawh a ni. Hurna thinlung, rinawmlohna, ngawlveina leh hlauhna te hi nangmah mai chuan do turin ke i pen thei lo vang. I hlawhchham nghal thuai ang.

Ngaihdam i duh anih chuan i sualna leh i kehsawmna chu inpawm ang che. Danglamna thlen tir i duh anih chuan, mi dang nihna pawh pawm ve ang che. 

Mahni inphawrhna hi tihdamna bultanna a ni. Mi zawng zawng chungah i pholan a ngai kher lo. Amaherawh chu mi pakhat tal hnenah i tarlan ve a ngai a ni. Nangmah hmangaihtu, i engkim pawmtu leh tawngtaisak reng tu i mamawh a ni.

Bible in Jakoba 5:16 ah, Chutichuan, tihdama in awm theih nan in sualte thupha chawi tawn ula, intawngtaisak tawn thin rawh u. Mi fel tawngtaina chuan thil nasa tak a ti thin,” a ti. 

I sualnate mi hnenah i puanchuah chuan, i phurrit te kiangin i thawl ve hawk ang. Chawhlehchilhin i hlauhnate a bo tawh ang.

Sual hi chu inherkual reng ang hi a ni a. Pathian hnenah tanpuina dilin i tawngtaia, a nin a tanpui thin che a ni. Hlawhtlinna i chan hnu thla ruk ah chuan, chapona thinlung i pu mai ang. Chumi hnuah chuan i tlu mai ang. Nimahsela, inngaihtlawmna nen Pathian lam i hawi leh thei ang. Chu rilru chu i put reng theih chuan, i tan a tha ang. Nimahsela chapona hi a lo let leh thuai thin. 

Chutiang thil chu i thian nangmah ngaihsaka, ti phur a, enkawl zui zel tu che tello chuan i ti kiang thei lo vang. Hlawhtlinna i chan pawhin, chapo lo turin an fuih ang che a, nang pawh i in enlet thei ang.      

Chuvangin kohhran hi a pawimawh hle a. I lawina ni lo Biak In dang dangah nangmah pawh an hriatchian lohna che ah chuan i inkhawm thei a ni mahna. Nimahsela i lawina kohhran chu a hlu a, i rilru i phawrh ngamna i rawngbawlpuiho hi an hlu ber a ni.

Mi dang chunga rinawm si lo va insiamthat theih inrin ringawtna chuan awmzia a nei thei lo. Hlawhchhamna chu i hmaah a awm tihna a ni zawk.

Ngaihtuah zui atan

 

* I nunah mi dang hnena puanchhuah tul thil sual tih i nei em?

* Mi dang hnenah sual i puan chhuah ngamlohna chhan eng nge ni?

* Tu hnenah nge i sual i puan ngam? Chu chu engvanga ring ngam nge i nih?

*[Lettu: Sangpuia]*