I TAWRHNA THUK TAK HMAN TANGKAI DAN THA BER

_I Nundan Thlirlet La_

Rick Warren

Feb 7, 2024

"Pathianin keimahni min thlamuanna ngeiin hrehawm eng anga awmte pawh chu kan thlamuan ve theihna turin ani chuan kan hrehawmna zawng zawngah min thlamuan thin, Krista tuarnate chu kan chunga a chuang a liam ang tak hian, kan thlamuanna hi Krista zarah a chuang a liam a ni..” 2 Korinth 1:4-5

Natna i paltlang lai chuan, nangmah chauh emaw midang ngaih pawimawhna i nei thei. Natnna tuar ve mek te tanpui duhna thinlung i neih phei chuan, tuar chunga tlanna tih a ni a. Chu chu natna i tawrh chhawr tangkaina tha ber leh sang ber a ni.

Enganga nasa pawh tuar mah la, Isuan i tawrhna chu rawn tlan a duh a. I khawh ral mai chu a duh lo a ni. Pathianin natna tuar ve tu midang te tan chhawr tangkai a duh a ni. 

     

"Pathianin keimahni min thlamuanna ngeiin hrehawm eng anga awmte pawh chu kan thlamuan ve theihna turin ani chuan kan hrehawmna zawng zawngah min thlamuan thin, Krista tuarnate chu kan chunga a chuang a liam ang tak hian, kan thlamuanna hi Krista zarah a chuang a liam a ni..” 2 Korinth 1:4-5

Natna tuar ve hrep tawh te tanpui turin natna tuar ve hrep tawhte aia tanpuitu tha zawk an awm thei ang em? Damdawi ngawl vei mekte tanpui turin damdawi ngawl vei mekte aia tha zawk an awm thei ang em? Natna benvawn neite tanpui turin chutiang bawka na ve te aia tha zawk an awm thei ang em?

I rawngbawlna chu i natna thuk ber atangin a ni ang a. Eng natna pawh tawk la, Pathian leh mi dang leh nangma chungah ngei pawh i rinawm tlat chuan, chung i harsatna tawrhte chu i rawngbawlna a ni ang. 

I chakna i chhuan viau chuan mi dang i pawh phah sawt dawn lo va. Nimahsela i harsatna atanga Pathian hnena i tluk luh a, a chakna i rin chuan, mi dangte nen pawh i ngaih aiin in inzawm tha leh zual ang. Engvangin? A chhan chu - i kehsawmna avang khan - mi dang kehsawm ve tho te hnenah Pathianin a chhanchhuah dan che i hriattir khan, in inanna chauh i hriattir a ni lo va. Beiseina i hriattir a ni a, midang pawhin tlanna chu Krista atangin an harsatna atangin an nei thei tih i hriattir tih a ni.

I natna chuan mi dang a tanpui a, i kiang vela awmte Krista anna kawngah i hruai tihna a ni. I natna mi dang tanpuinan i hmang a nih chuan rawngbawlna pawimawh tak a ni.

I tawrhna chu khawhral suh la. Rawngbawlna ropui a nih theihnan Pathian hmanruaah hman tir rawh. 

 

*[Lettu: Sangpuia]*