MS Academy, Khatla chuan kum 2022-a Ramhlun Vengthara hawn, 'Special Library for Civil Services Examination' hmasawn zel nan leh zirlai ten an hlawkpui ngei theihnan hmalatu leh hawngtu H&TE Minister Dr. Vanlalthlana hnenah cheng nuai 1 an hlan

Aizawl | Feb 10, 2024: Nizan khan  H&TE Minister Dr. Vanlalthlana chu khuallian niin  Hyve Aizawl City Hall ah MS Academy ( A Coaching Centre for Competitive Exams) atanga hlawhtlinna chang te lawmpuina hlanin hun a hmanpui

School Education Minsiter ni bawk Dr. Vanlalthlana chuan MS Academy zirlai hlawhtlinna chang te chu a lawmpui thu sawiin, MS Academy din tirh a telpui dan te a sawi a, MS Academy zirtutute an in pawh dan te chu tha atih thu sawiin, zirlai hlawhtlinna chang te chu kutleh lam thawhtu Pathian leh an nu leh pa, thiante bakah an zirlai zinkawnga pui tu te hrereng turin a chah a, mirethei zawkte ngaihsak leh an nat ruala nat pui thei tu, khawtlang leh kohhran tana mi tangkai lehzual niturin  officer tling thar te chu duh thu a sawi a, an hnathawh ah Isua hmel hmu zel turin a chah nghal bawk.

H&TE Minister chuan MS Academy motto, ‘Make A Difference ‘chu nitin nunnah leh hnathawh naah ‘ Be the Diffrence’ ni tel turin a duh thu a sawi a, nakin zelah an hnathawh danah an chanchin engtin nge miin an sawi chhunzawm dan turah fimkhur turin a duh  thu leh Sorkar hnathawk tan hausak thut leh hausak em em a theihloh avang in sum ruahman dan fel tak nei tur leh nihna baka lan tum lo tur leh awmze neia hlawh uluk taka hmang turin a chah nghal bawk. Life Insurance thatna leh pawimawh na te sawiin hlawhtlinna chang thar te chu ti theuh turin a chah nghal bawk. He hunah hian MS Academy atanga hlawhtinna chang mi 19 te hnenah lawmpuina a hlan nghal bawk a ni. MS Academy, Khatla chuan H&TE Minister Dr. Vanlalthlana’n hma alo lak tawhna library chu changtlung zawk  a nih theih nan leh competitive exam petuten tangkai taka he library an hman theihnan cheng nuai 1 an pe bawk ani.

He hunah hian MYC Chairman Pu Malsawmzuala Ralte chu khualzahawm niin zirlai hlawhtlinna chang te hnenah chu fuihna thuchah  a sawi a, MYC atangin Rs. 5000/- a hlan nghal bawk a ni. MYC Chairman hian MS Academy hi thla hmasa 20.01.2024 khan MS Academy hi tlawh tawh in, MSSSB Combined UDC Exams 2023 a inziak tling mi  20 te hnenah lawmpuina alo hlan tawh bawk a ni. Pu RL Rinawma, IRS Rtd. Vice Chairman, Mizoram State Project Monitoring Committee, Govt of Mizoram leh Grand Mentor of MS Academy pawhin zirlai hlawhtlinna chang thar te tan fuihna thuchah a sawi bawk a ni.

Dr. Malsawmdawngliana Lailung, MS Academy, Managing Director, chuan kawlkhawmte lo lawmin report tawi a pe a, Pi Natalia Rosangliani Sailo, Faculty chuan he hun hi kaihruaiin, Dr. Saithantluangi Zote chuan lawmthu sawiin he hun hi a khar a ni.

MS ACADEMY, Khatla hi August ni 9, 2019 a hawn a ni a. State Competitive Exams (Group A & B) turte tan Coaching pek a ni a, tun dinhmunah hian aspirant 3254 in Mentoring Programme, Test Series, Mains Crash Course, Prelims cum Mains, Group B Gazetted & Non-Gazetted Coaching Class an zawm tawh a ni. Motto-ah 'Make a Difference'/ 'Danglamna siamtu' tih he Centre hian a hmang a ni.