DANGLAMNA HI DUHTHLANNA A NI

_Hmuh Theih Loh Indona_

Rick Warren

Feb 21, 2024

"Chutichuan, ka duh takte u, thu in zawm fo ang khan ka awm chauhva thawk lo lo vin, tuna ka awm loh hlan hian thawk zawk mahin, hlau leh khur chungin nangmahni chhandamna thawk chhuak rawh u; ama lawmzawng atana tih tum tur leh bei tura nangmahnia thawktu chu Pathian a ni si a.” Philippi 2:12-13

Danglam duh ngawt hi a tawk lo. “Danglam hi ka tum ber a ni,” tih pawh a la tawk chuang lo. I tum chu thiltih a i hlenchhuah si loh chuan a thlawn mai a ni dawn a ni. Danglam tura thutlukna i siam phawt loh chuan i nuna harstna te pawh engtikah mah i thlak danglam lo vang. 

Thla ruk chhungin engtin nge danglamna chu i thlen dawn? Rilru lamah i chak leh zual sauh dawn em? I ngaihtuahna chu a hriam sawt thei ang em? Taksa lamah i hrisel sawt thei ang em? Thlarau lamah i puitling sawt thei ang em?

Vawi lehkhatah a lo thleng thut thei lo. Tihpalh thil thu avangin i hrisel thut thei lo. Vawi tam Pathianin min tihdanglam hun kan nghak a ni mai thei e. Pathian chu i nghak lo va. Pathianin a nghak  zawk che a ni. 

I nunah danglamna tel lo vin hmasawnna a awm thei lo. Hlohna tel lo vin danglamna a awm thei lo va. Tuar lo vin hlohna a awm thei bawk hek lo. Thil hlui kalsan tur i nei a, chu chu thil awlai a ni lo. 

Mi thenkhat chu kan la tang reng a, thlah thlam dan ka zir tel lo va. Chu chu duhthlanna chu a ni si. Ephesi 4:22 ah chuan, “In hman lai awm dan kawnga mihring hlui, bumna chakna anga chhe deuh deuh kha hlip thla ula,” a ti a ni.

I chaklohnate chu i tun dinhmun avang emaw i thlahtute avang a ni i ti a ni maithei. Engpawh chu ni sela, khawi atanga lo kal nge tih chu a pawimawh ber lo. I chinfel a ngai a ni. Nangmah thlahtute mizia diktak i chhawm a, nimahsela chu chuan i sualna a ngaidam chuang lo che. 

Hei hi chanchin lawmawm chu a ni: Ringtu i nih tawh chuan, i mihring hlui zia aia thiltithei zawk thiltihtheihna thar i nei a. Chu chu Thlarau Thianghlim a ni.   

Philippi 2:12-13 ah  chuan, "Chutichuan, ka duh takte u, thu in zawm fo ang khan ka awm chauhva thawk lo lo vin, tuna ka awm loh hlan hian thawk zawk mahin, hlau leh khur chungin nangmahni chhandamna thawk chhuak rawh u; ama lawmzawng atana tih tum tur leh bei tura nangmahnia thawktu chu Pathian a ni si a.”

Chumi awmzia chu Pathian i hlau tur a ni tihna em ni? Ni lo e! Pathian i hlau a nih chuan Pathian hnen atangin thil tha i hloh ang a, i hun i khawhral bawk ang. I hlauh chuan i nun chhung zawngin Pathian in a duanchhan che i hrechhuak lo vang. 

I nun thlak danglamna theihna thuruk chu mihring duhna hi a ni lo. Pathianin duhna leh thiltihtheihna Thlarau Thianghlim hmanga tih tur a pek che tih zel hi a ni.

   

Ngaihtuah zui atan

* “Nangmahni chhandamna thawk chhuak rawh u” a tih hi eng nge a awmzia nia i hriat?

* Rinnaa ke i pen theihnan i mihring hlui zia kalsan ngai eng nge awm ?

* Thlarau Thianghlim chu i nunah engtin nge i lo hmelhriat tawh le?

*[Lettu: Sangpuia]*