CHATUAN NUN NGAIHTUAH HLUTNA

Hmuh Theih Loh Indona

Rick Warren

Feb 20, 2024

"Tin, fate kan nih chuan roluahtute kan ni a; Pathian roluahtu, Krista luahpuitute kan ni; a hnena chawimawiin kan awm ve theihna turin amah kan tuarpui tak zet chuan. Tun laia tuarnate hi nakina kan chunga ropuina tihlan tur nen chuan tehkhin thamah ka ruat si lo.” Rom 8:17-18

Tumkhat chu Harvard-a zirchianna lartak kan hmu a, chutah chuan hun rei zawk atan ngaihtuahna sengtute leh hlawhtlinna inzawm dan a ni. Zirchianna chuan mi tam zawkin hun reilote chhunga hlawk an tum a, nimahsela an hlawhchham duh zawk an ti. 

Kristiante tana thu chiang tak chu hei hi a ni. Hun rei deuh zawk atana ngaihtuahna kan sen chu, chatuan kan ti. Hma lam hun kum 40 emaw 50 emaw chauh kan ngaihtuah lo va. Kum sang tam tak ngaihtuahin kan rilru kan seng zawk a ni. 

Chatuan nun ngaituah chunga hun i hman chuan mi hlawhtling berte zinga mi i ni ang. Hun rei zawk atana ngaihtuahna i sen chuan – Pathianin chatuanah chuan eng nge a dah tih i ngaihtuah ang a – hun reilote atana harsatna pawh chinfel dan i ngaihtuah chhuak ang.  

Rom 8:17-18 chuan, "Tin, fate kan nih chuan roluahtute kan ni a; Pathian roluahtu, Krista luahpuitute kan ni; a hnena chawimawiin kan awm ve theihna turin amah kan tuarpui tak zet chuan. Tun laia tuarnate hi nakina kan chunga ropuina tihlan tur nen chuan tehkhin thamah ka ruat si lo,” a ti.

Krista zuitu i nih chuan, pek i nih atanga i thiltihte avangin engtikniah emaw chuan lawmman i la dawng ang. I talent, hun, ro leh midang hnehtheihna te kha Pathian tan hmang rawh, chutichuan chungte avang chuan lawmman i dawng ang. Krista hnathawh avang kan chan tur chu Bible-ah kan hmuh ang khian, ”Pathian roluahtu, Krista luahpuitute kan ni.”  

Vanramah dawn tur tam tak i nei. Tuna i tuarnate chu a hrehawm deuh pawh a ni thei e – nimahsela nakina kan chatuan hmun tur ngaihtuah chuan tehkhin tham pawh a ni lo. 

Ringtu nih hi thil awlai a ni lo. Thil dik tih hi thil awlai a ni lo. Achang chuan midangte hnena Isua chanchin hrilh hi thil awlai a ni lo. Sawma pakhat pek hi a awlai lo. Nimahsela Isua zuitu hlawkna leh a thu zirtir zawm thatna chuan kan hrehawmna leh kan tawrhnate hi a la khum zak dawn a ni. 

Tun huna harsatna leh chawplehchilha thil lo thleng ringawt ngaihtuah lo la. Tun hun reilote chingfel tur hian chatuan hun atan thlir tur tam tak i nei a ni. 

Ngaihtuah zui atan

* Chatuan thlirna nun nei ta la tuna i harsatna tawh mek hi engtin nge a thlak danglam ang?

* I talent, hun, ro leh midang hnehtheihna te chu Pathian tan engtin nge i hman ang?

* Chatuan nun ngaihtuahna i put chuan, engte nge i tan pawimawh ni ta ang?

Vawiinah hian Isua i zui dawn em?

Pathianin a thatna chu Fapa, Isua Krista kaltlangin a tilang tawh a. Bible chuan, “Pathianin khawvel a hmangaih em em a: Chutichuan a Fapa mal neihchhun a pe a, amah chu tupawh a ring apiang an boral lohva chatuana nunna an neih zawkna turin” a ti. Johana 3:16

Chatuana in nun theihnana Pathian thutiam chu ringturin i inpeih em? I inpeih anih chuan, hetiang hian tawngtai rawh: “Ka sualnate ka puang a, ka Lalpa leh Chhandamtu atan Isua hi ka pawm e. I hnung zuia, i rawngbawl ka duh e. Ka nun tlawm tak hi ka hlan che a, i ang chhunga min pawma min chhandam ve turin Isua hmingin ka dil a che. Amen”

Hetianga i tawngtai a nih chuan, Rick@PastorRick.com ah hian emai min lo thawn la. Isua nena zinkawng i zawhtanna atana pawimawh te a thlawnin ka lo thawn ang che.

[Lettu: Sangpuia]