Central YMA hruaitute leh NHIDCL hotute an inkawm

Aizawl | Feb 1, 2024: Vawiin (1.2.24) tlai dar 3:30 khan Central YMA hruaitute chuan Mizorama inkalpawhna kawngpui siam hna thawktu NHIDCL hotute an Office ah lengah sawmin inkawmna hun an hmang a.

Central YMA hruaitute chuan Mizoram hmun hrang hranga NHIDCL in kawngpui an laih meka harsatna awm leh chin fel ngai ni a lang Sub- Hqrs YMA leh Group YMA atanga report an dawn te an sawi pui a. Hemi bakah hian Mizoramin kawngpui tha kan neih theihna tura theihtawp chhuah zel tur leh harsatna an neih te pawh Central YMA ah thlen zel turin an ngen bawk.

NHIDCL hotu Pu Virendra Jakhar, Executive Director, NHIDCL pawhin Central YMA chu harsatna an tawh apianga an tlan luhna thin a nih thu leh an hnathawhte pawh a tul anga enho zel an duh thu a sawi bawk.

Kawng laih meka harsatna awm te keh Compensation chungchanga harsatna awm te chu an lo enfiah tur thu an sawi bawk.

Central YMA hruaitute chuan Vairengte leh Sairang inkar Four Lane kawng laih tur chungchanga harsatna awm te lo en zui a, Sawrkar hotute an lo sawipui tur thu an sawi bawk.

Inkawmhonaah hian Central YMA te hi Pu Lalhmachhuana, President leh OB dangte an tel a, NHIDCL atangin Executive Director in a ho bawk.