Aizawl Mihlun thlahte'n an member MLA tling lawmpui

Aizawl | Feb 9, 2024: Aizawl Mihlun Thlahte chuan Mizoram Legislative Assembly tum 9-na kal meka, an member zinga M.L.A a tling awmchhun leh Cabinet Minister a hlankai, Aizawl East - I bialtu Pu Lalthansanga (Chatea) chawimawina hun chu nimin khan a pisa ah an nei a, thuziak mawi tak an hlan.

Thusawiin Pu Lalthansanga, Minister chuan Aizawl chu Mizoram darthlalang pawimawh tak anih avangin kawng engkimah entawn tlak ni a, a mi cheng te hawihhawm taka kan awm a tul tiin a sawi.

He hun hi an pawl chairman Pu K. Liantlinga chuan a kaihruai a, an pawl vice chairman Pu John Rotluangliana chuan thuziak a hlan a, member dang ten Pu Lalthansanga an chhuan thu an sawi hlawm.

Aizawl Mihlun Thlahte hi kum 2017, June ni 21 khan Dawrpui a V. Thanga In ah din a ni a, kum 1950 hmalama Aizawla inbengbel tawh an thlah kal zel ten an din niin; tunah hian a lu nungin member sang chuang an inziaklut tawh a. Aizawl hmunhlu humhalh, Aizawl hmasawnna atana ngaihtuahna sen leh tanpui ngaite tanpui chu Aizawl Mihlun Thlahte pawl anga an dinchhan a ni.