Adviser to CM (Finance)-in a bial atanga Mizoram Combined Competitive Exam 2023 tlingte lawmpuina hlan

Aizawl | Feb 13, 2024: Aizawl West I bialtu MLA leh Adviser to Chief Minister (Finance) TBC Lalvenchhunga, chuan a bial chhung (Aizawl West I) atanga Mizoram Combined Competitive Exam 2023 a tlingte a pisa-ah inkawmna hun hmanpuiin, lawmpuina a hlan.

TBCa chuan, Mizoram a exam inelna sang ber ah a bial chhung atangin mi panga ngawt an tling thei chu a ropui in, lawmawm a tih thu a sawi a. A bial mi te tan ‘Zirna’ chu a thil ngaih pawimawh ber anih thu sawiin, zirna chu ram hmasawnna bul thut anih thu a sawi. Officer tling thar te chu thalai dang ten hlawhtlinna an hmuh ve theih nan, an theih ang ang a Career Guidance pe thin turin a ngen a. Mizoram in officer ngaihtuahna thar leh kalphung thar tichhuak thei a mamawh a tih thu a sawi.

Sorkar hnathawk te chu Public Servant an nih angin mipui te tan dawr nuam tak ni ngei turin a fuih a. Thil dik lo chu husaisen taka dodal ngam turin a chah a. Dikna tan ngam sorkar hnathawk te tan a inhawn reng thu sawiin, rinawm tak leh taima tak a ram hmasawn nan hna an thawh a beisei thu a hrilh a ni.

Mizoram Combined Competitive Examination 2023 a Aizawl West I atanga tlingte hi;

1. Zorinsangi, D/o T.Malsawmdawngliana

Luangmual Vengthlang, Aizawl

2. Joseph Lalzuitluanga, S/o T.Lalzawmliana

Chawnpui,Aizawl

3. Zodinpuii Bawitlung, D/o B Lalthantluanga

Luangmual,Aizawl

4. Alex Hmingthanmawia, S/O RK Thuama

Chawlhhmun, Aizawl

5. F Zodingpuii, D/O Ramchuana

Chawnpui,Aizawl

te an ni.