ZORO-in Manipur Police Commando chet dan dem

Aizawl | Jan 3, 2023: ZORO-in Manipur Police Commando chet dan an dem.

Ni 30 December 2023 atanga ni 2, January 2024 inkar khan Zofa hnam awmna Moreh leh a chhehvelah Manipur Police Commando te kalin mipui pawisawilo an kap a. Manipur Police Commando te hi Tengnoupal District Village Volunteer ten an lo kap let ve a ni.

ZORO chuan vawiin khan thuchhuah siamin, Manipur Police Commando te chet dan hi tha lo a tiin, a dem hle a. Manipur Police Commando te hian Meitei hel pawl hrang hrang thawhpuiin Zofate min nuai chimih hi an tum a, Zofate hi nuai chimih theih kan ni lo tih hi Manipur Sorkar hian lo hria se kan duh a ni. ZORO chuan Manipur a awm mek kan unaute chu lo thlaphang lo turin kan ngen che u a, in tan kan ding zel dawn, tih an tarlang.

Manipur tualchhung buaina avangin harsatna nasa tak a thleng tawh a, a la thleng mek zel a. Hetih laia India Sorkar a ngawi reng hi kan dem hle a. Zofate hi India Sorkar hian a khua leh tuiah min ngai ta lo em ni, tih hi an zawhna a ni. India Sorkar pawh Manipur tualchhung buaina avanga harsatna thleng hi chingfel thuai turin an ngen nghal a ni.