Aizawl | Jan 25, 2024: Zoram Thar Zofate Lairelna Inpui hruaitute chuan vawiin tlai dar 2:30 khan Thenzawl Kohhran pawl hrang hrang, NGO leh VC te ko khawmin Biak Inpui Sak Hnam Hnatlang Hawnna hun an hmang.
Pu Zaichhawna Hlawndo chuan he Zofate Pathian Biak Inpui Thenzawl a sak a nih tur thu ni tam takin Pathian hnen aṭanga an lo dawn tawh thu te, amah pawhin Kum 2015 ah chiang taka a dawn ve thute a sawi a. Zofate Pathian Biak Inpui sak dan tur hriattirna a dawn thu leh a sakna tur hmun te mitthla a a lo hmuh lawk thute a sawi.
Thenzawl hi Zofate khawpui tur a nih thu leh khawpui din dan tur te pawh a dawn thu te a sawi bawk a. Thenzawl Kohhran, khawtlang leh NGO te kan ṭanrual a pawimawh hle dawn a ni a ti. Hnatlang bul ṭan nan hian cheng nuai 10 vel mamawh a ni a, Hnam Hnatlang thawhlawm lakkhawm mek a ni a, neih daih thuai an beisei a, a khaw neitu Thenzawl in tinah Thawhlawm khawn hmasak ber a ni dawn a, khaw mipuite rilru in hawng taka lo in puahchah turin kan ngen a ni a ti.
Zofate Pathian Biak Inpui hi pawl emaw Kohhran bil ta tur a ni lova, Hnam Biakin, Zofate zawng zawng ta tur, hnamah leh Krista a kan insuihkhawmna tur a ni dawn a. Khawvel hnam tinte hnena Chanchintha hrilna hmunpui Global Mission Centre a ni dawn a ti bawk.
Post a Comment
He post chungchanga i ngaihdan lo sawi ve rawh: