Ziaktu PC Lalrinpuia
Revd. Chuauṭhuama hi India ramin zalenna a neih kum, 1947 khan Bukpui khuaah a piang a. A pian ni hi chhinchhiah a ni lo a ni ang, Mizopa thil hriat dana chiang takin - kangvar laia piang nia chhinchhiah a ni. Official-a a pian ni a dah chu 1st April, 1947 a ni. A pa hi Presbyterian kohhran upa, Tawna a ni a, Synod hnuaia Primary School zirtirtu hna thawk a ni. A nu chu Muallungthu khaw chhuak, Buaii a ni. An unau hi naupan laia boral ta te chhiar tel lovin 6 an ni a, ani hi a tlum ber a ni.
Naupang bawrhsawm tak a ni a, a harsatna ber chu kal na a vei kha a ni. Hei vang hian rual pawl hlei thei lovin a awm a, naupang dangte rualin sikul pawh a kai hleithei lo. Kum 7 a nihin a pa thawhna Bukpui Primary Sikul-ah a kai \an ve a, sikul a han kai \an hnu vek hi chuan \hahnemngaihna chang hre chunga zir a ni bawka Primary school-a a kal chhung hian an pawlah a ti\ha ber a ni chho ta zar zar thung. Pawl 3 chu First Division-ah a pass a. Middle Sikul pawh an khua, Bukpuiah zir theih a nih avangin a zir chhunzawm leh a, kum 1962 khan Pawl 6 a exam a, a ti\ha hle a, First Division-ah a pass leh a, Zoram hmarchanah 2-na a ni hial. Revd Chuau\huama hian lemziak (drawing) hi a thiam lo riau mai a. Pawl 6-ah hian subject pakhat a ni ve bawk si a, an exam-ah pawh hian mark 45 a hmu pha \awk a ni. Drawing hi thiam viau se chuan Zoram Hmarchanah hian pakhatna a nih theih a inring.
High School lut turin 1963 khan Aizawl a pan a. Government Mizo High School-ah a lut a, 1965 thleng tluang takin he sikul-ah hian a zir. Pawl 10 a zir kum, 1966-ah chuan Mizoram tana hun harsa tak, Rambuai a lo thleng ta a. Sikul kai chhunzawm theih a nih tak loh avangin hetih huna laia an awmna Kolasib-ah hawin hlo a thlo kumtluan a. Kum 1967 a lo her chhuah chuan Jowai, Meghalaya-a sikul kai tuma a \hiante nena an kal chu Security Force te'n rinhlelh thilthuah an man a. A vanduaina a kal laklawh a ni ang chu chhuak leh ta mai lovin Tezpur Jail-ah an thawn ta daih mai a. Tezpur Jail-ah hian kum 3 tehmeuh a tang ta mai a. He tan in a\ang hian kum 1970 January thla khan a chhuak a, hemi kum hi Kolasib-ah a sur a sa hnuaia ni sa leh ruah sur do daia hlo thlovin a kumtluan leh a.
A tuma tum ta ngang a ni a, lehkha zir bawk luh chilh leh turin kum 1971 khan Aizawl a pan leh ta nge nge a. Synod High School-ah pawl 10 zir ta a. He sikula luh a dil \um hian he sikula thawk Pu K. Roseia chuan chik taka lo enin "He nau hi chu a lu pial dan leh a zia a\ang hian mi hlawhtling tak a la ni ngei ang" tiin a thawhpuite a hrilh hial a ni. Synod High School a\ang hian Assam Board of Secondary Education, Gauhati hnuai a\angin HSLC chu Second Division-ah a pass ta a ni.
Matric a pass hnu hian kum khat zirtirna hna a thawk a, kum 1973-1977 chhung Mizoram Home Guard hnuaiah sawrkar hna a thawk a, hetia amah inchawma sawrkar hna (LDC) thawk chung hian Pachhunga Memorial College (evening shift)-ah Pre University Course a zir chhunzawm a. B.A. zir chhunzawm lehin kum 1976-ah B.A. chu Distinction-ah pass-in North Eastern Hill University pumah Pahnihna a ni.
Kum 1978 a\angin Hrangchhuana High School-ah zirtirtu hna a thawk a, Headmaster hial a ni hman a, mahse he hna hi kum 6 zet a thawh hnuah bansanin B.D. zir turin kum 1983 khan Bangalore a pan ta a ni.
High School a kal laiin Engineer nih tumin a rilru a siam a, subject-ah pawh Special Mathematics a la ngat a. Tejpur Jail-a a tan laiin dam taka a chhuak leh a nih chuan Pathian thu zir turin thutlukna a siam ta thung a. He a thutlukna hi a tum angin a tihlawhtling mai thei lo va, kum 15 zet a liam hnuah, amah pawh patling ruh chang a nih tawh hnu, kum 37 zeta upa a nih kumin a hlen chhuak thei hram a ni.
Kum 1983 - 1987 chhungin United Theological College, Banglore-ah B.D. a zir a, a tumah a chiang bawk a, patling \han kin, chhungkua meuhva Pathian thu zir tura thawk thla an ni bawk a, a zirpuite chuan tluk lo han han tak an ni. B.D. Orientation Course a zir lai a\angin pakhatna ai hniamah a tla thla ngai lo.
He College-ah hian India hmar chhak a\anga zirlaite an lo en dan a hniam deuh \hin tih a hriatin a rilru a khawih zak mai a, India hmar chhak chhan chhuaktu nih tumin rilru a siam a, class-a zirtirtute'n zawhna an zawh pawh a chhang zung zung a, exam-ah pakhatna a ni zel mai bawk si a, a tum pawh a hlawhtling ta hle reng a ni.
Thil mak tak mai chu Bible zirna atana \awng pawimawh em em pahnih Hebrai leh Grik \awngte chu a tuipui em em mai a, a thiam zawng tak a ni ta tlat mai chu a ni. B.D. zirlaia Hebrai leh Grik \awnga subject thlan tur awm zawng zawng chu thlangin hneh takin kum 1987 khan B.D. chu First Class First-ah a pass ta a ni.
B.D. a zir chhung hian lawmman a hui hnem hle a, First Prize 13 leh Second Prize 2 a dawng. Heng bakah hian kum 1988-a Serampore Convocation, Aizawl, Vana pa Hall-a neihah Senator's Prize for Highest Proficiency a dawng.
A lawmman dawnte:
FIRST PRIZE
1. Highfield Greek Testament Prize for Preliminary Greek.
2. J.S. Bookless Memorial Prize for B.D. I, II, III Hebrew.
3. Bible Society Prize for Biblical Subjects.
4. Stainton Marris NEw Testament Prize for B.D. I, II Year Greek Subjects.
5. Stainton Marris New Testament Greek Prize for the Optional Subjects.
6. Harry Holiday Newham Prize for Christian Theology.
7. Sam Tucker Prize for Christian Theology ang Ethics.
8. Rajaiah Annie Paul Memorial Prize for Church History.
9. Mrs Asha Hivaulay Prize for Church History.
10. Bishop Sumitra Memorial Prize for Indian Church History.
11. Kurien Memorial Prize for the Best Essay on Pastoral Ministry.
12. Bishop Sumitra Prize for Homiletics (Sermon)
13. Dr. M.J. Dirks Memorial Prize for Homiletics (Sermon)
SECOND PRIZE
1. Meyer's Prize for Preliminary Hebrew.
2. Rev. & Mrs K.J. Chacko Prize for Pastoralia & Practi cal Work.
B.D. a zir lai hian Cambridge University a\anga Visiting Professor lo kal, Revd. John A.Emerton chuan Chuau\huama chu zir zel tur a \anpui tlak a ni tih hriain Cambridge University-a a zir theih dan tur a zawnpui ta a. Germany a\anga Visiting Professor lo kal, Dr. Gensichen chuan Schollarship a hmuh theihna kawngah a lo \anpui bawk a. Kum 1988-1990 chhung khan Cambridge University-ah M.Phil (Old Testament & Hebrew Language) a zir a. M.Phil a zawh hnuah lo haw pahin Jerusalem-a St.George’s College-ah The Bible and its Setting Course a zir zo leh a. Palestina ram dung leh vang chu chipchiar leh chik takin an hotute kaihhruaina hnuaiah a zir leh a. Kum 1998-ah khan Aizawl Theological College-a a thawh tawh hnuah Netherlands-ah kal lehin Reading the Bible from the Jewish Perspective Course thla khat chhung a zir leh a. Lo haw pahin Jerusalem-ah chawlhkar khat chamin Lal Isua sulhnu chhuiin uluk takin a zir leh a ni. Isua chenna ram chanchin hi a hre hle a, a Pathianthu zir nen a inkaihhnawih \ha bawk a, ngaihnawm takin a sawi \hin a, mi pawhin an hlut hle \hin a ni.
Chuau\huama chu kum 43 a nih kumin kum 1990-ah Synod Inkhawmpui, Dawrpui Biak ina neihah Pro Pastor atan lak a ni a, Lungleiah dah a ni. Pro Pastor hna, Term pangngaia thawk tura lak zingah chuan Mizo Synod hnuaiah a upa ber a ni. Lungleiah chuan Chuau\huama chu Bible kal thei tiin an sawi hial \hin. Presbyterian kohhran mai ni lo, Baptist kohhrana rawngbawltute pawhin an thlamuanpui hle a, sermon an sawi dawn pawhin an rawn fo \hin a ni. Lungleiah hian Pro Pastor-in kum 3 a awm a. Kum 1993 Synod Inkhawmpuiah nemngheh a ni a, chumi hnuah chuan kum 1994 kum tir a\angin kum 2007 kum tawp thlengin Aizawl Theological College-ah a thawk a, kum 2008 kum bulah a pension ta a ni.
Synod hnuaia rawngbawlna a chelh chhung hian nihna pawimawh tak tak a chelh tam hman hle a, Aizawl Theological College-ah Registrar hna kum 2002 - 2007 chhung a chelh a. Kum 2000-ah Synod secretary (Junior) niin 2001 khan Synod Secretary (Senior) a ni. Kum 1998 - 2000 chhungin Synod Literature & Publication Board-ah member a ni. Lungleia Pro Pastor a nih laiin Bial Chairman a ni a, kum 2013-ah khan Aizawl Bethel Presbytery Moderator a ni bawk. A chanvo pawimawh chelh zawng zawng hi sawi vek lo mai i la, Synod tana mi rintlak a ni.
Heng bakah hian chanvo pawimawh tak tak chelh a nei nual a, a nihna chelhte han tarlang i la:
1. Education Reform Commission, Mizoram (2009-2010)
2. Mizo Language Committee (2010 - tun thleng)
3. Member, Appeal Committee, MBSE (2010, 2013, 2014)
4. Member, Pachhunga University College Development Committee (2013 - tun thleng)
Heng bakah hian zirlai a nih laiin chanvo pawimawh tak tak a lo chelh tawh bawk.
1. Assistant Secretary, MZP Headquarters, Aizawl (1971- 1972)
2. General Secretary, MZP Headquarters, Aizawl (1972- 1974)
3. Assistant Convener, All Mizo Students Federation (1972-1973)
4. President, All Mizo Students Federation (1973-1974)
5. President, Aizawl High School Students Union (1972)
6. Secretary, Chapchar Kut Committee (1972-1973)
7. Treasurer, Carey Society (United Theological College, 1986-1987)
Kum 2014-ah khan Mizo Writers Association chuan thu leh hlaa chawimawina a pek \hin Literary award chu Revd. Chuau\huama hnenah a hlan. He chawimawina hi thu leh hlaa chawimawi phute hnena a hlan \hin a ni a, he award dawng tlak tura hian Revd. Chuau\huama hian lehkhabu lo ziah tawhte han tar lang i la:
1. Mizo leh Israel (1993/2002)
2. Ram Thianghlim Kal |heuh |heuh (1994)
3. Mi Biru Entawn Tlakte - I (1995)
4. Mi Biru Entawn Tlakte - II (1995)
5. Pathian Thu Zir Hlawkna (1995)
6. Zu Hi Thil A Ni (1995)
7. Bethlehem Lam I Thlir Ang (1996)
8. Bible-a Chhungkaw Entawn Tlakte (1996)
9. Joba Hrilhfiahna (Gospel Centenary Commentary Se ries, 1996)
10. Anni Leh Kei (1996)
11. Chawhchawrawi (1996)
12. Bible Code Chhuina (1998)
13. Bible Zir Dan (SMTC Text Book, 1998/2002)
14. Isu Tuallenna Ram (1999/2001)
15. Isua Thlan Ka Teh Ta (2002)
16. 2002 Nilai leh Beihrual Thupui (2001/2002)
17. Bible Hriat Zauna (2002/2005)
18. Roreltute leh Ruthi Hrilhfiahna (MSU Puitling Sunday School Zirlai 2002)
19. Kalvari Tlang I Thlir Ang (2002/2011)
20. Ka Kal Zel Dawn (2003)
21. Bethlehem Tlang I Thlir Ang (2003/2009)
22. Beginner Zirlai Bu Khatna (2003)
23. Witness orf Israel to Liberation (BD,BCS Text Book, English, 2004)
24. Introducing the Psalter (English, 2004)
25. Kristian Nun (2004)
26. Beginner Zirlai Bu Hnihna (2004)
27. Israel-te Chanchin Tlangpui (SMTC Text Book, 2005)
28. |halaite Mamawh - Isua Krista (2005)
29. Isua Pantute (2005)
30. Tunlai Juda-te Nunphung (2005)
31. Mizo Bible Encyclopedia (2005)
32. Bible-a Hming Awmzia (2005/2007/2009)
33 Ka Zirna Ram (2006)
34. Chinbawr (2006)
35. Bible Study Kalpui Dan leh Zawlnei Hagaia (2006)
36. Burma Ram Zin Thu (2007)
37. Kraws Chhuanawm (2007/2009)
38. Bible Thu Mal Hrilhfiahna (2008)
39. Kal Hmasate Hlutna (2009)
40. Kum Sawmhnih Sulhnu (2009)
41. Israel-te Chanchin (PBS Text Book, 2010)
42. Zo |awng Bible Dictionary (2010/2011/2013)
43. Kum Ruk Sulhnu (2010)
44 Dr. Luka’n a Tisual Thei Ang Em? (2010)
45. Bible Knowledge (2011)
46. Bible Hmunhma (2011)
47. Rev. Zairema Biblical Commentary, Sam 42 - 73 (2012)
48. Rev. Zairema Biblical Commentary,Sam 73-100(2013)
49. Norma Lalpekhlui Nghilh Loh Nan (Booklet, 2013)
50. Roreltute leh Ruthi (Centenary Commentary 2014)
51. Paula Lung In Tan Lehkhathawn (2013)
52. Bible, Zu leh Mizote (2014)
53. Bethlehema Nau Lo Piang Chu (2014)
54. Aw Tlang Mawi Kalvari (2014)
55. Ram Thianghlim Kal Puitu (2015)
56. Heti Hian Ka Ngaihtuah (Revd. Chuau\huama Huang 2013,2014, 2015)
57. A Taka Kristianna (2015)
58. Revd. Chuau\huama Huang (2015)
Edited Works & Joint Authorship
1. Editor, Didakhe (2001-2007)
2. Beram Vengtu (Aizawl Hmar Presbytery, 1997)
3. Sermon Buatsaih Dan (With Rev.H.Zalawma 1999)
4. Tute Nge Mizo (With B.Lalthangliana 2002)
5. RL Kamlala Kut Chhuak (2006)
6. Dictionary of Theological Terms (2007)
7. Presbyterian Kohhran By Rev.Saiaithanga (2009)
8. Pi Pute Biak Hi By Rev.Zairema (2009)
9. I Ni Min Pek Hi By Rev.Zairema (2009)
10. Thukhawchang Mi Pekte Hi By Rev.Zairema (2009)
11. Random Notes By Rev.Zairema (2009)
12. Isua Rilru By Rev.Zairema 2009)
13. Lehkhabu T> Pasarih By Rev Zairema (2009)
14. |hian Lehkhathawn By Rev.Zairema (2009)
15. Exodus Politics By Lalhmingthanga (2009)
16. Seventeenth December (2010)
17. Synod Worship Seminar Paper (With Rev.C.Rosiama, 2012)
Lehkhabu bakah hian Seminar Paper te, Magazine te, Souvenir leh chanchinbu tea chhuah tur article chi hrang hrang a ziak tawh. Kum 1971 a\ang khan article a ziak \an a, a article ziak tawh zawng zawng hi 300 chuang a ni. Vanglaini ni tin chanchinbu-ah regular columnist a ni \hin.
Revd. Chuau\huama hi Mizote zinga Cambridge University a\anga Degree la hmasa ber a nih avangin ZONET chuan Pathian thu zirna - pawm dan leh hrilhfiahna kawnga Mizote zinga thawh hlawk ber pakhat a nih avangin ZONET AWARD, 2007 a hlan. Christian Media Society chuan kum 2008-a a lehkhabu tihchhuah Bible Thu Mal Hrilhfiahna chu Mizo \awnga Pathian thu lam lehkhabu chhuak zinga \ha berah ngaiin kum 2009 khan First Prize a hlan.
Revd. Chuau\huama hi a thil hriatah a chiang a, a tumah a chiang bawk a, fiah tak leh chiang takin thu a ziak \hin. Dik nia a hriat chu mi ngainat hlawh em em dawn lovin hre mahse a ziak mai a, a thu ziakte hian boruak pawh a siam laih fo mai. Heti ang Pastor dik leh mipuite kaihhruai tumna fel tak nei hi Mizoram hian a mamawh hle a, Mizote tan a la hlu dawn chauh niin a hriat.
*Revd. Chuauṭhuama thlah nan, a chanchin MWA in Ziakmite Chanchin bu 3-na a tihchhuaha mi dah a ni e.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: