PWD minister-in chaltlanga inaklpawhna kawngpui thawmthat mek enfiah

Aizawl | January 23, 2024: PWD Minister Pu Vanlalhlana, Aizawl North I bialtu MLA chuan tukin khan a bial chhung Chaltlang veng chhunga inkalpawhna kawng thawmthat dan tur 'Patch Repair & Seal Coating of Chaltlang Internal Road' chungchang a enfiah.

Aizawl Road North Division hnuaiah cheng nuai 17.25 sengin Chaltlang veng chhung inkalpawhna kawng thawmthat hna hi thawh tur niin, kawng khuar lai hnawh leh tihmam a ni dawn a. Chaltlang Lower Lane Road, Chaltlang Field to Cemetery Road to Chaltlang YMA Hall to Peri Mual Road a kawng khuar laite thawmthat tum a ni a, hna hi tan nghal thuai tum a ni.

PWD Minister hi Er. Lalrinkima Hnamte, E-in-C, Er. H. Zoramliana, CE (Highways), Er. Lalchhuana, SE (Central Circle) leh Official dangte'n an tawiawm a ni.