Myanmar Sipaite hruai haw tawh!

Aizawl | Jan 24, 2024: Myanmar Sipai rawn tlanchhia an sawrkarin a hruai hawna tur thlawhtheihna nimina a chetsual avanga hruai haw theih tak loh te chu vawiin khan Lengpui Airport atangin thlawhtheihna dang hmangin an hruai haw.

Sawrkar thuchhuah pawhin Myanmar in an sipiate an hruai haw tawh thu hi vawiin tlai khan a tarlang.

Myanmar sawrkarin thlawhtheihna hmanga vawiina an Sipai Mizorama rawn tlanchhia an phurh haw takte hi mi 93 niin, nimina thlawhtheihna accident-a chuang mi 14 (hliam tuar pariat) te pawh an hruai haw nghal.

Myanmar Sipai mi 278 chu Parva khua Lawngtlai District-ah an rawn tlanchhia a, Lunglei panpui an nih hnuah Lengpui panpui an ni a, January 22 (Thawhtanni) khan thenkhat chu thlawhtheihna hmangin hruai haw an ni.

Nimin khan hruai chhhuah leh an tum a, mahse, thlawhtheihna a chetsual vangin thulh a ni a, vawiinah hruai chhuah an ni ta a ni.

Vawiin vek khan Mizoram Minister te leh Dy Speaker chuan thlawhna chetsualna hmun hi an tlawh a ni.

| Minister-te leh Dy Speaker-in Myanmar sipai thlawhna chetsualna hmun tlawh |

Kimchangin @ https://www.exploremizoram.com/2024/01/minister-te-leh-dy-speaker-in-myanmar.html