MSU-in MZU Meitei-te chet dana lungawi lohna thlen

Aizawl | Jan 29, 2024: Vawiin 29 January 2024 khan MSU General Headquarters Aizawl chuan Mizoram University chhunga Meitei Community te chet dan chungchanga lungawi lohna ziakin Mizoram University Registrar hnenah lehkha an theh lut a, a copy hi Dean Students’ Welfare leh MZUSC te hnenah an pe bawk.

MSU chuan hun rei tak ata tawh Mizorama Hnam dang zirlai awmte himna turin theihtawp a lo chhuah tawh ṭhin a, Manipur buaina avanga hlauhlawpa Meitei zirlaite an tlan chhiat lai pawhin a hnemtuah ṭang hram hramin kan unaute laka an chet duh dan avanga thinrim taka kan awm lai pawhin state ralmuang ber kan nihna chhawm nung turin kan insum hram hram ṭhin a. Tun hnaiah MZU-a Meitei zirlaite’n kan unaute tih chimihna tur hmanraw lei nan a sum an lo khawn leh ralmuang taka kan dah laia hnung lam aṭanga min vit let hi MSU chuan a ngai thiam lo tak zet a. MSU hi Zirlai pawl a nih angin kan Ram leh Hnam chhan nan chuan a tawp a thleng zel ṭhin a.

Tuna kan zirlaipui ngeiin kan unaute chimihna tur atan tha a thawh chungchangah hian MSU chuan tui aiin thisen buk a rit zawk tih hre turin Mizo Zirlaite a chah nawn duh bawk a, he thil thleng hi MSU chuan a en liam mai mai dawn lo a ni tih zirlaite a chah bawk.