Mamit District MJA Annual Conference vawi 16-na hmang

Mamit | January 29, 2024: Vawiin khan Mizoram Journalists Association (MJA) Mamit district Annual Conference vawi 16 na chu neih a ni.

MJA Mamit district Annual Conference vawi - 16 na hi MJA Mamit District Vice President Pu Lalhuma'n kaihruaiin General Secretary leh Treasurer hnen atanga report ngaihthak anih hnuah President Pu C Lalramdinzela chuan thusawina hun a nei a ni.

MJA Mamit district President Pu C Lalramdinzela chuan thusawiin Mamit district MJA memberte inpekna leh thawhhonaah lawmthu a sawi a, MJA memberte chu Journalist an nih anga ram leh khawtlang siamthat kawnga ngaihtuahna tam zawk hman a tul thu sawiin, sawrkar khalh ngiltu an nih anga huaisen taka thudik aupui ngam tur leh mipui ngaihtuahna kawng dika hruai tura theih tawp chhuah turin a fuih a ni.

Vawiin MJA Mamit District Annual Conference ah hian Mamit district chhung a Sorkar hmalakna hrang hrangte a tam thei ang ber tlawh /site visit neih nise tih te, Mizoram pawn a press tour neih nise tih te leh MJA Mamit district T-shirt thar siam leh nise tih te an rel bawk a ni.

MJA Mamit district Annual Conference ah hian kum 2024 - 2026 chhunga hruaitu turte thlanna neih nghal a ni a, President Pu Lalhuma, Vice President Pu RD Darthanzauva, Treasurer Pu P Lalchunglura te thlan nghal a ni.