Aizawl | Jan 24, 2024: LESDE Minister Lalnghinglova Hmar leh Ministry of Tribal Affairs-a Secretary Pu Vibhu Nayar chu January 23 khan New Delhi-ah an inkawm a, thil pawimawh hrang hrang an sawi dun.
Pu Lalnghinglova Hmar chuan Ministry of Tribal Affairs chu tribal-te tana ding a nih angin he mi hnuaia Mizoramin ham thatna a neih dante a sawipui a, a bikin a Department enkawl pathum - LESDE, Sports & Youth Services leh Excise & Narcotics tana thil tangkai thei nia a hriatte a sawipui.
Pu Vibhu Nayar chuan Mizoram leh tribal tamna state tana an pek theih hrang hrangte a lo sawi a, heng thilte chang thei tur chuan hnathawh awm tawh lama Utilisation Certificate neih that a tul thu te, hnathawh tha a pawimawh thu leh hna hmasain a hnunga mite a nghawng theih avangin fimkhur a tul dante a sawi a, Pu Lalnghinglova Hmar chuan sorkar thar hnuaih dik leh tha taka hnathawh tuma an inbuatsaih dante a hrilh.
Tribal Affairs Secretary chuan Mizoram tana an tih theihte ministry kalpui theihte thlir chunga project siam tur leh, theihtawp chhuaha bawhzui a tum thu a sawi.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: