I SUALNA CHU MIMAL THIL CHAUH A NI LO

_I Nundan Thlirlet La_

Rick Warren

Jan 24, 2024

"Tumah mahni tana nung kan ni lo va, tumah mahni tana thi kan ni hek lo.” Rom 14:7

 

Sual chu a ruk deuh pawh ni se, mimal chauh a nghawng ngai lo. He leiah hian a lo langchhuak ang, a nih loh vek pawhin Rorelna Ni-ah, mi hriat a la ni ang.

Numbers 32:23 hi Bible-a kan chhiar khat pawl a ni ang, “In sual chuan a hmu chhuak ngei ngei ang che u tih hre rawh u.” 

Sual chu mimal thil ngawt a nih lohna chhan dang chu thil tha i ti emaw tilo emaw pawh ni la - an hre lo chung pawhin mi dang a nghawng tho a ni.

I hriatchian tak pakhat hian zankhuain sual rawng bawl sela, a tuk zingah hmu che sela, engemaw tak a hmelah i hmu thei ang. Eng thil nge thleng hre miah lo mah la, an sual tihna chu an nungchang atangin i hre thei ang. Mi tlemte chauh hi engmah ti miah lo angin an lang thiam.   

Thil sual lian tak i ti lo pawh a ni thei, ngaihthahna sual pawh a awm a nia. Pathian nena fianrial nun tha taka i hman hnuah, fianrial hun i hman loh leh vang vang chuan, mi dang i biakna leh thil thleng hrim hrim i hmachhawn dan a danglam ang. Pathian nen i inthlunzawm loh chuan, sual beihna kawngah thlarau chakna i nei lo vang.

Bible-in Rom 14:7 ah, "Tumah mahni tana nung kan ni lo va, tumah mahni tana thi kan ni hek lo,” a ti.

Mi tam zawk chuan, “Ka nuna ka thiltih hi mi dang nun nen inzawmna a awm lo. Mi dang ka tina a nih loh phawt chuan, engvangin nge an lo ngaimawh ang?” Nimahsela mi dang i ti na a ni. Pathianin mi dang nena inzawm turin min siam a, kan tawngka chhuak leh kan thiltih reng reng hian mi dang a nghawng a ni. 

Sual chuan i ngaihtuah lohna lamah a nghawng che a, mi dang pawh a nghawng a ni. I sual chiah hian, Pathian chakna atanga lak hran i ni a, nangma theihnain i kal a ni. Thil tha i tih theih leh a rahchhuah tur thlengin a tikiam a ni.

Pathianin a pek theih tur che sang ber - nang leh mi dangten sual avanga an hloh tur chu thil lungchhiatthlak tak a ni lo vem ni? I nunhlui sualna avanga tihbahlahna atang leh mi dang rilru i tihnatna atanga talchhuahna chu: Sual puan hi a ni.

Ngaihtuah zui atan

*Sual i puan loh avang hian i ngaihtuahna leh i chet dan chu engtin nge a tih danglam? 

*Sual i puan avang chuan engtin nge Isua a hnaihtir che?

*I nunah eng sual nge puan ngai ? Chu chuan engtin nge mi dang a nghawng nia i rin?

*[Lettu: Sangpuia]*