Hnahthial-ah SSR 2024 puali Street Campaign nei

Hnahthial | January 13, 2024: District Election Office, Hnahthial chuan vawiin khan Special Summary Revision 2024 pualin Hnahthial Bazar-ah street campaign an nei.

He campaign-ah hian Election Commission of India (ECI) ruahhman anga January 1 2024 a kum 18 tling tur te tan e-roll a inziahluh hun hawn a ni a, e-roll a la chuang lo te mahnia in register dan te, siam that ngai siam that emaw, paih ngai paih leh a dangte inhrilhhriatna neih a ni. E-roll a inziahluh bakah vawiin campaign-ah hian PwD voters te tana ECI in a ruahhman hamthatna hrang hrang awm te leh awlsam taka an in ziahluh theih dan kawng te hrilhfiahna hun hman a ni bawk a ni. Vawiin campaign-ah hian roll a inziahluh dan kimchang leh voter helpline app hmandan flyer-te semchhuah a nih bakah signature campaign neih a ni bawk a, January ni 1 a kum 18 tling tur chin te an inziahluh vek theih nana he hun hi buatsaih a ni.

Election Officer Pu Lalbiakfela bakah SDC Pi Betty Lalrinfeli leh election branch ten vawiin street campaign hun hi an hmanpui a ni.