CYMA-in FMR ṭhiah tumna duh lo; thiah a nih lohna tura Mizoram Sawrkar hmalakna thlawp

Aizawl | Jan 10, 2024: Central YMA in 'Free Movement Regime (FMR) ṭhiah tumna duh lo, CYMA chaan thiah a nih lohna tura Mizoram Sawrkar hmalakna an thlawp.

Jan 8, 2024 (Thawhtanni) zana Central YMA Executive Committee thukhawm chuan, tunhnaia India Sawrkarin India leh Myanmar inrina laia mi chengte zalen taka an inkalpawh tawn theihna 'Free Movement Regime (FMR)" tihbo a turn chungchang a ngaihtuah a.

CYMA chuan, Free Movement Regime hi kum 1968 September 26-a siam tawh, India leh Myanmar inrina ramri hrul lehlam ve ve a phalna (Visa) ngai lova Km 16 a thui inkalpawh tawn theihna tura duan a ni a, he dan siam a nih chhan hi ramri lehlam ve ve-ah hnam khat, chi khat leh chhungkhat laina te an awm thin avangin, awlsam taka an inkal pawh theihnan te, sumdawn tawnna leh ei leh bar zawn a awlsam zawkna avang te a siam a ni a. Mizote tan chuan kan unau Myanmar lama awmte nen inpawh taka kan tlawh tawn theihna remchang leh inpumkhatna atan a tangkai em em a ni." an ti.

Hetianga Mizo hnam tana tangkai a nih laia, India Sawrkarin thiah a turn hi tha kan ti lova; FMR thiah a ramri hungna siam a nih chuan Mizo hnam inpumkhatna nasa takin a ti chhe dawn a, chuvangin thiah a nih lohna turin theihtawpa hmalak nise kan ti a, thiah a nih lohna tura Mizoram Sawrkar hmalakna pawh an thlawp tlat thu thuchhuah siamin an sawi.