"ACCJSU hruaitu inti te hian 'Nationalism Awareness' an mamawh hle in kan hria!" - Joint Hnampual Students Organisation
Aizawl | Jan 31, 2024: Joint Hnam Pual Students Organisation chuan thuchhuah siamin, vawiin chawhnua Press Conference-a Myanmar raltlante 'illegal.migrants' tia kotu Aizawl City College Joint Students Union chu 'Nationalism Awareness' an mamawh, an ti a.
"An pawl din chhan ang ngei a, Aizawl tlanga College leh Zirlaite hmasawn nan hma la se, Zofate inpumkhatna ti chhe thei zawngin hma la tawhlo turin kan hriattir a, an pawl din chhan hre chiang turin leh an mahni concern lo thil ah, in rawlh tamlo turin kan hriattir bawk e." an ti.
ACCJSU Press Conference Full video:
Joint Hnam Pual Students Ogranisation-ah hian Lai, Mara, Hmar, Pang, Bawm, Paite leh Ranglong zirlai pawlte an inzawmkhawm a ni.
Press Communique
Dt. 31.01.2024 (Nilaini) a Aizawl City College Joint Students' Union (ACCJSU) in ti ten, Press Release an siam ah, Myanmar atanga kan unau sahimna zawnga rawn raltlante 'illegal migrants' ti a an koh hi hriatthiam harsa kan ti hle. He thumal 'illegal migrants' tih hi kan sawrkar leh NGO pawl lian te pawhin an hman duhloh lai a, langsar taka kan unaute hetianga an rawn koh ta mai hi hriatthiam a har kan ti hle a ni.
Mizoram ramri a kan buaiin, ei leh in tur kan tlakchham hung min tanpui thin te chu, heng Myanmar leh Manipur -a kan unau kan chipui te hi an ni. Zofate chenna ram zawng zawng hi Zoram ah kan pawm a, Ramin ri nei mahse, hnam chuan ri a neilo tih hi kan pawm tlat a ni. m
Kan unau raltlante tan Sawrkar, NGO leh Mizoram mipui ten theihtawp kan chhuah laia, hetianga thuchhuah an rawn nei ta mai hi a lungchhiat thlak kan ti takzet. ACCJSU hruaitu inti te hian 'Nationalism Awareness' an mamawh hle in kan hria. An pawl din chhan ang ngei a, Aizawl tlanga College leh Zirlaite hmasawn nan hma la se, Zofate inpumkhatna ti chhe thei zawngin hma la tawhlo turin kan hriattir a, an pawl din chhan hre chiang turin leh an mahni concern lo thil ah, in rawlh tamlo turin kan hriattir bawk e.
Kan unau sahimna zawnga Mizoram-a rawn raltlante, thlamuang taka awm turin kan chah a, chutihlai rengin Zofate inpumkhatna leh thawhhona ti chhe thei zawnga khawsa lo hram turin kan ngen bawk a ni.
Joint Hnampual, Students' Organisation chuan Zofate inpumkhatna'n kum tam tak hma alo la tawh thin a, Zofate inpumkhatna ti chhe thei zawnga hmalakna reng reng chu a tawp thlengin a do zel dawn a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: