Vengaboys lo kal thei lo; Aizawl Winter Fest Concert erawh a kaltlang dawn

Aizawl | Dec 7, 2023: Zanina concert tur, Vengaboys chu ruahsur vangin an lo kal thei lo. Mahse, Aizawl Winter Fest Concert erawh a kaltlang dawn niin thudawnna chuan a tarlang.

Aizawl Winter Fest 2023 chu free concert in a kal dawn niin thu dawn a ni.

Eurodance group lar Vengaboys chuan Aizawl Winter Fest, Aizawl Lammuala show an neih tur chu ruahsur vanga an rawn thlen theih loh avangin an inlan thei dawn ta lo.

Vengaboys te hian vawiin khan Delhi atangin Aizawl an rawn pan a. Kolkata-ah Mizoram khaw awm dan ngaichangin hun eng emaw chen an nghah hnuah, khuain ziaawm lam a pan theih tak loh avangin Kolkata atangin Delhi lamah an kir leh a ni.

Zanina AR Lammual-a concert neia inlan tur Vengaboys member te chu khaw chhiat avangin Lengpui Airport-ah an rawn tum thei lo.

Vengaboys concert en tura ticket lo book fel tawh te refund theih a nih dawn leh nih loh emaw refund theih nise refund dan tur hi sawi chian a la ni lo.

Ruahman ang chuan, zanin hian Vengaboys hi Aizawl Winter Fest-ah Mizoram Zaithiam dang nen an inlan dawn a ni. Mahse, ruahmanna peihfel tawh, inbuatsaihna zawh vek tawh chu ruahsur vangin an rawn kal thei ta lo a ni.

• • • • • • 

Scan Here to Donate!

Share it with your friends!

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

.